Pourc'hoad : diforc'h etre ar stummoù

''Beskontelezh Pourc'hoad'' zo diazezet war ur berc'henniezh e kornog [[kontelezh Roazhon]] gant ar beskont [[Eudon]] (pe Eudes e galleg) meneget e [[987]] en amzer [[Konan Iañ]]. Ur veskontelezh e oa a-benn an XIvet kantved, enni ouzhpenn 140 parrez ha tost da 4 000 km². Kentañ beskont a anavezer e oa Gwethenoc ([[Gwezhenneg]]), an hini a savas ur voudenn e Château-Trô (Kastell-Tro?) e kumun [[Gwiler-Porc'hoed]] (''Guilliers'' e galleg) , a zo anv anezhañ en [[1008]] en amzer an dug [[Jafrez Iañ (dug Breizh)|Jafrez Iañ]].

E vab [[Josselin]] ("Gauzlin") eo an hini a savas kastell [[Josselin]], anv ar gêr en-dro dezhañ. Pa weler ur [[Brezhon]], anvet Gwezhenneg, o lakaat e vab ''Gauzlin'' (Josselin), un anv [[frankek]], hag ar mab-bihan [[Eudon]], un anv frankek arall, ha pa ouzer int anvioù eus tiegezh frank ar [[Rorgonizien]], e c'haller soñjal e oant deuet da vout kerent dezho, dre zimeziñ da verc'hed an tiegezh.