Kemmadurioù ar brezhoneg : diforc'h etre ar stummoù

* '''Mein''' a c'hall treiñ da ''vein'' goude ar ger-mell hep degas kemmadurioù.

* '''Plac'h''' ne gemm ket goude ar ger-mell, met blotaat a ra an anvioù-gwan war-lerc'h : ''ur plac'h vrav''.

* Pa vezont renet gant ar verb ''ober'' e vlota '''mad''' ha '''man''' : ''se a ra vad din'', ''na rit ket van''.

* Gourel eo '''tra''' padal e vlota goude ar ger-mell : ''un dra'', hag e suj an anv-gwan evel ma vije un anv benel : ''un dra vat'' — met ''tri zra gozh''.

* An anv gourel '''re''' a zegas ur blotadur : ''tri re votoù''.

* Alies e c'hoarvez ur blotadur goude anv ur gwaz : ''Yann gaezh'', ''Karl Veur''.

== Skoilhoù ouzh ar c'hemmadurioù ==

Ne c'hall ur c'hemmadur c'hoarvezout nemet etre gerioù a zo liammet dre ar ster ha distaget en ur bomm-mouezh ; kement abeg a zisrann ar gerioù a viro ouzh ar c'hemmadur a c'hoarvezout.<br />