[[Skeudenn:Arthur de Richemond.JPG|thumb|right|Arzhur III (dug Breizh)]]
{{IstorBreizh}}
'''Arzhur III''', dug Breizh, anavezet ivez evel ''konestabl Richemont'', pe ar ''Justisour'', a oa ganet d'ar [[24 a viz Eost]] 1393 e kastell Susinio ( e [[Sarzhav]]) ha marvet d'ar [[26 a viz Kerzu]] [[1458]] e [[Naoned]], a voe dug Breizh e 1457. Anavezet ivez evel ''konestabl Richemont'', pe ar ''Justisour''.
[[Kont Richmond]], ha konestabl ar roue gall [[Charlez VIII a Vro-C'hall|Charlez VII]] e oa. Ur perzh a-bouez en deus bet en istor Bro-C'hall koulz hag en istor Breizh evel brezelour.
Mab e oa da [[Yann IV (dug Breizh)|Yann IV]], dug Breizh ha [[Janed Navarra]]. Goude bezañ bet e servij ar rouaned saoz ha gall, hag eñ ur brezelour eus ar re varrekañ, e teuas da vezañ dug Breizh e [[1457]], met ne fellas ket dezañ plegañ e-keñver al lid a wazoniezh a ginnigas e doare ar [[gwazoniezh|wazoniezh eeun]]. Un den a Stad hag a justis barrek-tre eo bet e servij [[Bro-C'hall]].
Pa oa bugel ez eas da chom a-gevret gant e [[eontr]], an dug [[dug Bourgogn]], hag gant [[priñs]]ed gallc'hall all. Prizoniet e oa en [[Emgann Azincourt|Azincourt]] ([[1415]]). Dieubet e voe goude asantiñ labourat evit ar roue saoz [[Herri V ( Bro-Saoz)|Herri V]] a oa mestr war dost holl ar rouantelezh c'hall (dimezet e oa da verc'h ar roue [[Charlez VI (Bro-C'hall)|Charlez VI]]. E [[1425]], an [[Daofin]], Charlez, hag eñ o ren pastelloù-bro bihan e Bro-C'hall, a ginnigas da Arzhur mont e penn e [[lu]]. Klask a rae Charlez resev ur skoazell milourel digant dug Breizh [[Yann V (dug Breizh)|Yann V]] a oa breur Arzhur. Breur-kaer e oa Arzhur ivez d'anda dugzug Bourgogn a oa mignon d'ar Saozon. Koulskoude e savas enebourien d'ar c'honestabl ha ne c'helle ket kas e gefridi da benn kement ha ken bihan ma veze trec'het lu [[Charlez VII a Vro C'hall|Charlez VII]] ingal gant ar Saozon. E [[1428]] ez eas Arzhur e kuzh da harpañ [[Janed Ark]] hag e voe trec'h da armeoù ar Saozon e Patay e [[1429]]. E [[1434]] e asantas Charlez VII reiñ e garg da Arzhur en-dro. Adaozañ a reas an arme en ur urzhiañ ma vefe krouget ar breizherien. E [[1436]] e adkemeras [[Pariz]].
Ur roll pennañ a gemeras e politikerezh rouantelezh Bro-C'hall pa renas he [[diplomatiezh]] ha pa zistagas Bourgogn eus e emglev gant ar rouantelezh saoz. E [[1450]] e vo trec'h Arzhur war ar Saozon en [[Emgann Formigny|Formigny]] ken e oent skarzhet eus [[Normandi]] kuit.
