Kristina Sveden : diforc'h etre ar stummoù

Kristina a voe anvet da rouanez heb enebiezh, dindan evezh ar c'hanseller [[Axel Oxenstierna]], un den ampart, « [[Richelieu]] » Sveden, a lavarer. Oxenstierna a oa dalc'het en Alamagn gant ar [[Brezel Tregont vloaz]] ha ne zistroas da Sveden nemet e 1636 goude ar feuremglev sinet gant Bro-C'hall. Kentañ a reas e voe pellaat ar rouanez kozh a oa aet e belbi goude marv he fried, ha herzel ouzh he levezon noazus war Gristina a oa en he dek vloaz. He moereb Catherine<ref> C'hoar da [[Gustav II Adolf]] ha mamm [[Karl X Gustav]] a voe pennhêr Kristina</ref>, Kontez an Daou-Bont, an hini a voe he [[mentor]].

Kenteliet e veze en un doare strizh, aozet ar c'helenn gant mestr-meur ti ar roue, Axel Baner, breur da [[Johan Baner]], ar jeneral, ha skoliet gant he c'helenner Johannès Matthiae. Ouzhpenn studiañ yezhoù hag istor e teske an arzoù, tresañ ha livañ, hep ankounac'haat ar sport (klezeiata ha marc'hegañ).