Plouzer krec'hin : diforc'h etre ar stummoù

Ar plouzañ krec'henhin a zo un arz da reiñ ur stumm bev d'al [[loened]] marv. Ar vicher-se a vez anvet plouzer krec'henhin pe plouzer.

Pal ar plouzañ krec'henhin a zo krouiñ ur struktur pe ur [[skeledenn]] (e koad pe e metal) evit adsevel formoù ul loen. A-raok, an adsevel a veze graet d'an aliesañ e plouz, setu perak ez eus tu lavarout plouzer. Da c'houde e vez [[kivijet (tannée)]] ar groc'hen ha gwarezet e vez anezhi gant produoù kimiek. Evit echuiñ e vez lakaet kroc'hen al loen war ar struktur (pe ar skeledenn).

Evit reiñ muioc'h a vuhez d'al loened e vez implijet daoulagad e gwer' pe evit an teod peogwir n'ez eus ket tu mirout anezho a-hed ar bloavezhioù (breinañ a ra).

Pal an dibourc'hegezh a zo tennañ kroc'hen al loen. Ret eo dibegañ ar groc'hen diouzh ar c'hig (chair) dousik-tre, goude-se ez eo ret tennañ pep tamm kig, eskern pe druzoni hag a chom stag mat ouzh ar groc'hen.

Lodennoù 'zo ar skeledenn a c'hell bout miret. A-raok e veze miret ar [[c'hlopenn (crâne)]]. Bremañ evit al laboused e vez laosket eskern an divaskell hag an divhar d'an aliesañ en o flas, dreist-holl evit ar re vihan.

Pal ar c'hivijerezh a zo souplaat (assouplir) ar groc'hen evit ar savadenn, ha gwareziñ anezhi gant produoù kimiek, evit lakaat anezhi da vezañ divrein a-enep tagadennoù ar bakterioù, an togoù-touseg pe an [[amprevanned]].

Lakaet e vez ar groc'hen war ar stumm korf, gant un tamm [[druzoni]] evit ma vefe aesoc'h da lakaat. D'an aliesañ ez eo ret kempenn touloù bihan a chom war ar groc'hen pe war ar stumm korf a-raok ar gwriadenn diwezhañ. Tu 'zo ivez sec'hañ, broustañ pe livañ ar groc'hen evit ma vefe hi bravoc'h.

Evit reoù 'zo evel ar pesked, eo aesoc'h ober ur vouladenn eus kroc'hen al loen diouzhtu (gant danvezioù e plastik soupl), aesoc'h eo ober-se evit ar plouzer krec'hen (met keroc'h eo). Ar vouladenn a vez implijet ivez evit kempenn lodennoù 'zo evel pavioù, dent, ur beg pe ur moj (groin).

Er [[ragistor]], eo bet kavet teknikoù kentañ ar c'hivijerezh. A-hed ar bloavezhioù ez eo bet lakaet teknikoù all e pleustr evel an ambaomiñ (embaumement) gant an [[Egipsianed]]. Adalek ar XVIvet kantved, e veze implijet teknikoù nevez evit mirout korf ul loen marv degaset eus ur vro nevez disoloet.

Tro-dro 1748 eo bet klasket implijout ar plouzañ krec'hen a drugarez da labourioù [[Jean-Baptiste Bécoeur]]. E 1793, [[Louis Dufresne]] a zeu da vezañ plouzer krec'henhin er [[muzeom broadel istor naturel]].

En XIXvet kantved e oa diouzh ar c'hiz da vat ar plouzer krec'henhin a drugarez da levrioù 'zo hag a oa aet maez. Digoret eo bet atalieroù plouzeier krec'henhin gant [[Jean-Baptiste Deyrolle]] e 1831 e Pariz hag [[Rowland Ward]] e Londrez.

Evit ober al labour-se ez eo ret bezañ [[vaksinet]], dougañ manegoù ha kaout ur maskl a-enep d'ar produoù kimiek.

-Ur [[CAP]] plouzer krec'henhin

-tremen ur genstrivadeg velestradurel anvet [[I.T.R.F]]