E-kichen kêr ''Vindocinum'' e oa un [[oppidom]] war un [[torgenn|dorgenn]] a oa savet ur [[kastell-kreñv|c'hastell-kreñv]] warni er [[Krennamzer|Grennamzer]]. E Vendôme e varvas [[Nevenoe]], [[roll Duged ha Rouaned Breizh|penn ar Vretoned]] e [[851]]. Diazezet e voe abati an Dreinded sant Bienheuré er V{{vet}} kantved. Chom a ra an iliz evel m'eo bet savet er stil gotek flamennek. Dont a reas ar vro da vezañ glad familh ar Vourboned-Vendôme, ur skourr eus an dierniezh c'hall er {{XIVvet kantved}}. E 1515 e oa kemmet ar gontelezh en un dugelezh evit Charlez a Vourbon, tad-kozh [[Herri IV a Vro-C'hall|Herri IV]], roue Bro-C'hall. Hemañ a roas an dugelezh d'e vab bastard, [[Kaezar a Vendôme|Kaezar]]. Pelloc'h e voe roet dezhañ post gouarnour [[Breizh]] gant [[Anna a Aostria]], intañvez Herri IV.
