Hippokrates : diforc'h etre ar stummoù

[[SkeudennRestr:Hippocrates rubens.jpg|right|thumb|Hippokrates]]

'''Hippokrates Kos''' pe '''Hippokrates''' ([[henc'hresianeg]]: Ἱπποκράτης ''Hippokrátēs'') , ganet war-dro [[-460]] en enezenn [[Kos]], da vare [[Kantved Perikles]], ha marvet war-dro [[-370]] e [[Larissa]], a oa ur mezeg en [[Henc'hres]]. Gwelet e vez evel ur mezeg eus ar re vrasañ en istor ar [[mezegiezh|vezegiezh]]. Kinniget eo evel tad mezegiezh broioù ar c'hornôg<ref>[http://www.ncbi.nlm.nih.gov/pubmed/18392218 traoù anavet pe dianav diwar-benn tad ar vezegiezh a-vrema, Hippokrates hag e gelenner Demokritos.], U.S. National Library of Medicine.</ref><ref>[http://encarta.msn.com/encyclopedia_761576397/Hippocrates.html Hippocrates], Microsoft Encarta Online Encyclopedia 2006. Microsoft Corporation. [http://www.webcitation.org/query?id=1257007841924009 Archived] 2009-10-31.</ref><ref>{{Citation|last = Strong|first = W.F.|last2 = Cook|first2 = John A.|title = Reviving the Dead Greek Guys|journal = Global Media Journal, Indian Edition|date = July 2007|id = ISSN: 1550-7521|url = http://www.manipal.edu/gmj/issues/jul07/strong.php|format = }}</ref> abalamour d'ar pezh en deus degaset d'an danvez-mañ evel diazezer ar Skol mezegiezh hippokratek. Ar skol-mañ a dreuzfurmas a-grenn ar vezegiezh en [[Henc'hres]], oc'h ober anezhi un danvez a-ziforc'h, disheñvel diouzh an danvezioù all a veze liammet outi da gustum ([[teürgiezh]] ha [[prederouriezh]] peurgetket), hag ur vicher wirion<ref name="garrison9293">Garrison, Fielding H. (1966), History of Medicine, Philadelphia: W.B. Saunders Company, 1966, pp 92–93}}</ref><ref name="nuland5">Garrison, Fielding H. (1966), History of Medicine, Philadelphia: W.B. Saunders Company, 1988, p 5</ref>.

Koulskoude e vez mesket alies oberoù saverien ar [[Corpus hippokratek|C'horpus]] hag implijerien ar vezegiezh hippokratek, ha re Hippokrates e-unan. Anavezout a reer nebeut-kenañ eus ar pezh en deus soñjet, graet ha skrivet Hippokrates. Lod a ra ivez kentañ mezeg an istor eus [[Imhotep]] eus Henegipt. Taolennet e vez Hippokrates peurliesañ evel skouer ar vezeien. Krediñ a reer en dije lakaet studi reizhadek ar [[mezegiezh klinik|vezegiezh klinik]] d'ober araokadennoù bras, o tiverrañ anaoudegezh ar skolioù mezegiezh a oa bet en e raok, hag o kemenn doareoù ober divezel d'ar vezeien er C'horpus hippokratek hag en oberennoù all<ref name="garrison9293"/><ref>Garrison, Fielding H. (1966), History of Medicine, Philadelphia: W.B. Saunders Company, 1966, p 96</ref>.

== Buhez ==

Titouroù all diwar-benn e vuhez n'int ket asur<ref name=nuland4> {{Harv|Nuland|1988|loc=4}}</ref>. [[Soranos Efezos]], ur [[ginekologiezh |ginekologour]] gresian eus an eil kantved<ref name=BCE>{{Harv|Britannica|2006}}</ref> a voe kentañ buhezskriver Hippokrates ha mammenn bennañ an titouroù hon eus diwar-benn ar mezeg brudet eo e zanevelloù. Titouroù all zo deut betek ennomp a-drugarez da skridoù [[Aristoteles]], skrivet er IV{{vet}} kent J.-K., eus ar ''[[Souda]]'' skrivet en X{{vet}} kantved goude J.-K. ha da oberennoù [[Yann Tzetzes]] savet en XII{{vet}} kantved goude J.-K.<ref name=garrison9293/>{{,}}<ref name=nuland7>{{Harv|Nuland|1988|loc=7}}</ref>. Daou vab Hippokrates, Tessalos ha Drako, hag e vab-kaer, Polibos, a voe e ziskibled. Hervez [[Galen|Galenos]]os, ur medisin gresian en deus bevet diwezhatoc'h, e oa Polibos warlerc'hiad gwirion Hippokrates. Drako ha Tessalos o doe pep a vab anvet Hippokrates, ar pezh a c'hell lakaat unan da faziañ<ref name=garrison9293/>{{,}}<ref name=nuland7/><ref name="adams19">{{Harvnb|Adams|1891|p=19}}</ref><ref name="margotta66">{{Harvnb|Margotta|1968|p=66}}</ref>.

[[ImageRestr:Kos Asklepeion.jpg|300px|thumb|''[[Asklepieion]]'' e [[Kos]]]]