Glav : diforc'h etre ar stummoù

Ar '''glav''' eo an [[dour]] a gouezh eus ar [[koumoul|c'houmoul]] war an [[douar]] pe war ar [[mor]]. ''Glavioù'' pe ''glaveier'' a lavarer el [[liester]]. Komzet e vez eus [[barr]]où, barradoù, kaouadoù glav.

Diwar [[diaezhennad]] ar [[glebor relativel|glebor]] e vez krouet ar glav. Diouzh al [[ledennad]]où dour ([[mor]]ioù, [[lenn]]où, [[geun]]ioù, etc...) e sav ar glebor dindan stumm an [[aezhenn zour]] ken a ya war yenaat pa sko ouzh [[takad]]où ma 'z eus an aer [[yen]]oc'h. Evit ma teu an aezhenn d'ar [[glizhennadur]] ez eus ezhomm eus [[rannig]]où solut bihan evel ar [[poultrenn|boultrenn]], ar [[pollen]] pe kementadoù bihan aezhennoù [[aerosol]]où. Pa ya ar glizhennadur betek stummadur an takennoù dour (an ''takennoù glav'' pe ar ''glavennoù'') e teu ar glav diwar o kouezhañ. Ma ya an takennoù glav a-dreuz da dakadoù yen-skorn e c'hellont mont d'ur stumm solutoc'h evel an [[erc'h]], ar [[grizilh]] (''kazarc'h''), ar [[milerc'h]].

Ken glan hag an [[strilhadur|dour strilhet]] eo ar glav pa vez bet krouet, met saotret e vez gant rannigoù hag [[saotradur|elfennoù-saotrañ]] ken ne vez ket mat da evañ.