Republik Batav : diforc'h etre ar stummoù

[[SkeudennRestr:Flag_of_the_Batavian_Republic.gif|thumb|right|Banniel ar Republik Batav]]

Ar '''Republik Batav''' (''Bataafse Republiek'' e [[nederlandeg]]) eo an anv a veze graet eus an [[Izelvroioù]] eus [[1795]] da [[1806]], pa oa bet savet eno ur gouarnamant hervez patrom ar [[Republik C'hall]].

== Istor ==

Eizh vloaz a-raok, e 1788, e oa erruet ar gostezenn Orange e penn ar vro war-lerc'h ur [[brezel]] diabarzh, harpet ma oa bet gant armeoù roue [[Prusia]], breur-kaer ar [[stadthouder]].

Pa voe aloubet an Izelvroioù gant armeoù an Dispac'h gall e oa tec'het ar [[stadthouder]] (rener-stad) [[Gwilherm a Orange]] da Vro-Saoz.

En deiz war-lerc'h, d'an [[19 Genver|19 a viz Genver]] [[1795]], e voe embannet ar '''Republik batav''' gant Gallaoued hag un nebeud skoazellerien, Izelvroiz a-du gant an Dispac'h gall.

Ur stad sujet da Vro-C'hall e oa. Ur gouarnamant dispac'hel e oa, distabil, ha meur a daol-stad a voe e-pad an dek vloaz ma padas. E 1805 e voe echuet gant an arnodoù demokratel pa erruas [[Rutger Jan Schimmelpenninck]] e penn ar vro evel ''Raadspensionaris''.

Er bloaz war-lerc'h e voe diskaret ar Republik gant [[Napoleone Buonaparte]], ha lakaet gantañ en he lec'h [[Rouantelezh Holland]], savet evit reiñ ur gurunenn d'e vreur [[Luigi Buonaparte]], anvet ''Lodewijk Napoleon'' e [[nederlandeg]] .