Spider-Man : diforc'h etre ar stummoù

E filmoù [[Sam Raimi]] e teu a-benn Spider-Man da deurel gwiad e-unan, a-drugarez d’ur c’hemm a zo c’hoarvzet en e arzornioù p’eo bet flemmet gant ar gevnidenn. Ar c’hemm-se a voe kinniget evit ar wech kentañ e [[2004]] er rummad ''Spectacular Spider-Man'' (senario gant Paul Jenkins), met n’eo ket bet kendalc’het gant senariourien all. Ar c’hemm a weler en-dro en is-rummad The Other (senario gant Joe Michael Straczynski), a c’haller lenn er rummadoù bet embannet e [[2005]].

E-kerzh ''Secret Wars'' e tap Spider-Man ur gwiskamant du nevez, ur boud bev eo e gwirionez. Eus diavaez douar e teu, goleiñ ar c’horf a ra, padout ra dre lonkañ adrenalin ar re a wisk anezhañ. Dont a ra a-benn Spider-M d’en em zizober dioutañ a-drugarez da sikour Mr.Fantastic. Ar gwiskamant a vez gwisket gant Eddie Brock goude-se, hag eñ a a zeu da vezañ [[Venom]]. Evel-se e c’hall teurel gwiad diehan, ha gwiskañ pe diwiskañ ar gwiskamnat pa fell dezhañ. Ouzhpenn ez a war gresk an tizh pa red hag e varregezh da lammat.

Goude marv Peter Parker er rummad ''The Other'' e tiviz e vignoned skarzhañ kement tra a oa dezhañ. Pa zeu en-dro ne chom netra neuze, ha Tony Stark ([[Iron Man]]) a brient ur gwiskamant nevez, ruz ha liv an aour eo. E-pad ur pennadig e vo gwisket gant Spider-Man. Pevar fav a zo hag alaouret eo an daoulagad (''The Amazing Spider-Man'' #529). E wiskamant orin a vez gwisket en-dro gant Spider-Man pa vez o stourm asambles gant [[Captain America]] en istor ''[[Civil War]]''.

* [http://www.comics-db.com/Marvel_Comics/S/Spider-Man/index.html Pajenn ''Spider-Man'' war comics-db]

* [http://spiderfan.org Kumuniezh amerikan tud plijet gant Spider-Man]

* [http://www.marvel.com Lec’hienn ofisiel Marvel Comics]

* [http://www.lebdvore.com/pages_spiderman/accueil_spiderman.html Spider-Man e lec’hienn Le Bd-Vore]