Wikipedia : diforc'h etre ar stummoù

Ingal e vez meneget pennadoù Wikipedia war [[media]]où a bep seurt ha gant [[akademiezh]]ioù a oar priziañ an doare ma vez skignet, ar frank m'eo ar savidigezh anezhañ ha pegen ledan eo an dibab tachennoù goloet gantañ. Broudet e vez aozerien ar pennadoù da gaout un emzalc'h [[Wikipedia:Chom neptu|neptu]] a c'haller drezañ lakaat ar gaoz war perspektivennoù ledan hep mennout diazezañ ur wirionez [[:en:objectivity (journalism)|objektivel]]. Met, dre m'eo digor just a-walc'h, e sav kudennoù ingal abalamour d'an diresis ma c'hall pennadoù zo bezañ, hag en abeg da zroukc'hoantoù Vandaled zo. Tabut zo war statud Wikipedia a-benn gouzout ha gallout a reer sellet outañ evel ouzh un oberenn dave. Abeg zo bet kavet er raktres evit e [[:en:systemic bias|du sistemek]], e zoug da gavout gwell ar c'henasant kentoc'h eget reiñ kredoù, hag abalamour d'an diouer a aotrouniezh hag a atebegezh d'ar c'hentañ sell pa vez keñveriet ouzh holloueziadurioù all. Evit ar pezh a sell ouzh ar yezhoù minorelaet atav, hag ar brezhoneg en o zouez, ez eo Wikipedia ur chañs dispar evit kas da benn en hor yezh un oberenn ledañ deskamant n'he deus ket he far a-hend-all war baber, hag a goustfe ker-ruz he sevel ma vije soñjet sevel ur raktres heñvel distag.

* E kembraeg eo gourel avat, abalamour ma ra dave d'ar ger [[:cy:gwyddionadur]] ([[holloueziadur]]) a zo gourel. Divizet ez eus bet gant ur merour e oa degemeret gant kumuniezh Wikipedia brezhonek an daou, pep implijer a ra evel ma kar neuze.

* Er Wikipedia spagnolek, entre mizioù Gwengolo ha Du e 2003, e oa bet votet da c'houzout ha miret e vije an anv pe kemmet, ha kinniget e voe an anvioù all-mañ (lakaet amañ en urzh hervez an niver a vouezhioù): ''Librepedia, Huiquipedia, Uiquipedia, Güiquipedia, Viquipedia, Ñiquipedia, Velozpedia, Limonpedia, Güisquipedia'' ha ''Velocipedia''. Ha hervez youl ar vouezherien eo chomet digemm.

'''Mekenaz''' : Evit talañ ouzh kresk an niver a bennadoù hag a lennerien en deus divizet Diazezadur [[Wikimedia]] skoulmañ un emglev gant [[Yahoo]] a bourchaso servijerioù lec'hiet en [[Azia]]. ([http://wikimediafoundation.org/wiki/Press_releases/ Kemenn a ra Diazezadur Wikimedia skoazell Yahoo, teul kelaouiñ klok])

Bez' ez eo Wikipedia hag e raktresoù kar [[Wiki]]WikiWeboù frank. Savet int bet e penn kentañ gant kumuniezh stlennegourien ar meziantoù dieub. Lec'hiennoù Web dinamek eo ar Wikioù a c'hall an holl weladennerien anezho degas kemmoù er pezh emaint o lenn. Eeunoc'h a-galz eo ar WikiWiki eget an [[Hypertext markup language|HTML]]; trawalc'h zo gant un nebeud munutennoù evit deskiñ an doare (daou skrab evit an italek, tri evit skrivañ tevoc'h, div sonell evit ul liamm). War ur Wiki e steuz kuit ar vevenn etre an aozer hag ar gweladenner. Bet krouet e [[1995]] gant [[Ward Cunningham]], e teu anv ar wiki eus an hawaieg "WikiWiki", a dalvez "prim".

D'an Henamzer e sav ar soñj da vodañ en ul lec'h hepken hollad gouiziegezhioù an denelezh, gant [[levraoueg Aleksandria]] ha [[Pergam]]. Ar c'heal modern-eñ, zo bet diorroet gant an [[holloueziadur]]ioù, gant [[Denis Diderot]] hag an [[holloueziadurour]]ien all en {{XVIIIvet kantved}}.

E dibenn an {{XIXvet kantved}} e vez ijinet gant daou Velgad [[Henri La Fontaine]] ha [[Paul Otlet]] ar [[Rummatadur dekvedennel hollvedel]]; spurmantiñ a reont ur reizhiad a vo deskrivet evel-henn gant Otlet : "Tu zo da ijinañ an teleskop tredan a c'hallor lenn drezañ, er gêr, levrioù dispaket e sal Telesk al levraouegoù bras, war bajennoù bet goulennet en-araok. Sed a vo ar pelllevr".