Faunus : diforc'h etre ar stummoù

'''Faunus''', pe '''Faunus Lupercus''', a oa doue [[kornek]] ar maezioù e mojennoù [[Henroma|Roma]] an [[Henamzer]], heñvelekaet ouzh [[Pan (doue)|Pan]] tud [[Henc'hres|Hellaz]] (gant kemmadur p/f), hag unan eus ar re goshañ, an [[di indigetes]].

 

Gouest e oa da gas gwallhunvreoù d'an dud, hag ''Incubis'' (''« gwallhunvre »'' a veze graet anezhañ ivez).

 

Un [[diouganer]] e oa ivez, hag en noz e kleved anezhañ oc'h embann orakloù. Se zo kaoz e veze graet ''Fatuus'' (''an Diouganer'') anezhañ ivez. E ziouganoù a deue en hunvre hag ar mouezhioù kevrinus a gleved er c'hoadoù pe bodoù [[nevet]]: ur c'hoad nevet a oa nepell diouzh [[Tibure]] hag unan all war ar menez [[Aventin]].

 

En enor dezhañ e veze lidet al [[Lupercales]], d'ar [[15 a viz C'hwevrer]]. En deiz-se e veze daouzek [[luperques]], beleien Faunus, oc'h aberzhiñ ur bouc'h d'o doue e mougev Lupercal (e harz ar [[Menez Palatin]]) ma oa bet maget [[Romulus ha Remus]] gant ar vleizez. Neuze, gwisket gant kroc'hen ur bouc'h en-dro d'o dargreiz, ez aent da redek dre gêr Roma. Gant lêrennoù eus ur bouc'hken e skourjezent ar maouezed a-benn o frouezhusaat.

 

 

Ar [[faon]]ed eo mibien Faunus, a zo bet heñvelekaet ouzh [[satir]]ed [[Hellaz]].

 

En [[496]] e voe berzet al lid pagan-se gant ar pab [[Gelasius Iañ]]. E-lec'h se e tibabas [[Valentin Terni]] evel sant paeron an amourouzien ha danvez priedoù hag ec'h embannas e vefe enoret ganto d'ar [[14 a viz C'hwevrer]], a oa deiz gouel ar sant dija.

 

[[Rummad:Doueed Roma]]

[[Rummad:Pan]]