Sañskriteg : diforc'h etre ar stummoù

Ar '''sañskriteg'''<ref>F. Vallée [[Grand dictionnaire français-breton]] (1931) p.372b; [[Geriadur Brezhoneg an Here]] (2001) p.1138b.</ref>, pe '''sanskriteg'''<ref>''Sanskriteg'', e [[Geriadur Hemon-Huon]].</ref> (संस्कृता वाक् ''saṃskṛtā vāk'') a zo ur yezh [[yezhoù indez-europek|indez-europek]] [[yezh klasel|klasel]] eus [[India]]. Ar ger ''saṃskṛta-'' a dalvez "glan, santelezet, sakr". An anv ''saṃskṛtā vāk'' pe "yezh c'hlan" a roer d'ar sañskriteg a ra dave d'ur '[[yezh uhel]]' implijet evit lidoù [[relijion|relijiel]]. Ar yezhadur koshañ eo an Ạṣtādhyāyī bet savet gant [[Panini (yezhadurour)|Panini]] (Pāṇini पाणिनि ) er {{Vvet kantved kt JK}}.

Damheñvel eo statud ar sañskriteg evit sevenadur India ouzh hini al [[latin]] evit [[Europa]], dre ma'z eo hounnezh ar yezh a voe implijet evit skrivañ ar [[veda]]où o tennañ d'an [[hindouegezh]]. Ur [[yezh varv]] eo ar sañskriteg ivez, dres evel al latin, dre ma n'eus kumuniezh ebet a ra gantañ. Diouzh an tu all avat, e vez desket ar sañskriteg evel eil yezh alies ha 6&nbsp;000 [[brahmin]] bennak a lâr ez eo ar sañskriteg o yezh kentañ ha tud zo a glask lakaat ar sañskriteg da vezañ ur yezh vev en-dro. Implijet e vez ar sañskriteg peurliesañ evel ur yezh relijiel evit al lidoù [[hindouegezh|hindouek]].

Ur [[yezh enteuzel]] eo ar sañskriteg, gantañ tri [[jener]] (gourel, benel, nebreizh) ha tri [[Niver (yezhoniezh)|niver]] (unander, liester, daouder). Eizh [[Kas (yezhoniezh)|kas]] ez eus: [[Kas (yezhoniezh)|nominativel]], [[Kas (yezhoniezh)|vokativel]], [[Kas (yezhoniezh)|akuzativel]], [[Kas (yezhoniezh)|benvegel]], [[Kas (yezhoniezh)|dativel]], [[Kas (yezhoniezh)|ablative]], [[Kas (yezhoniezh)|genitivel]], [[Kas (yezhoniezh)|lokativel]].

::Ur ger kevrennek hep penn ebet hag oc'h ober dave d'un dra disheñvel diouzh pep termen er ger kevrennel, d.s. "penn-skañv" n'eo ket un doare ''penn''.

Digor eo urzh ar frazenn, met peurliesañ e vez kavet kentoc'h an urzh '''Rener - Renadenn - Verb''' (SOV).

== Notennoù ha daveennoù ==