[[Skeudenn:The AMOCO CADIZ ran aground off the coast of Brittany, France on March 16, 1978, spilling 68.7 million gallons of oil.jpeg|thumb|250px|An Amoco Cadiz o vont d'ar strad]]
An [[eoullestr]] "supertanker" [[Amoco Cadiz]] a yeas d'ar strad d'ar [[16 Meurzh|16 a viz Meurzh]] [[1978]] a-dal da [[Porsal|Borsal]] (lodenn [[kumun Bro-Cc'hall|gumun]] [[Gwitalmeze]]). 220 000 tonenn eoul-maen e oa o treuzkas, ar pezh a yeas d'ober ul [[lanv du]] eus ar gwashañ hag ar pempvet e istor ar Bed penn-da-benn. Daoust ma voeoa lec'hiet alar lanv dupeñse e [[Bro-Leon]] dreist-holl, e touchas houmañal lanv 320 km a aodoù ha 76 kumun, e [[Bro-Leon]] ha [[Bro-Dreger]].
Brudet eo an Amoco Cadiz evit bezañ bet ar gwashañ [[gwall-daol]]gwalldaol ekologel e [[Breizh]]. Brudet eo ivez peogwir e voe al lanv du-se penn-kentañ ur stourm hir-hir etre ar Vretoned hag an [[embregerezh]] Amoco dirak [[lez-varn|lezioù-barn]] ar [[Stadoù-Unanet]]. Harozien ar stourm-se a voe [[Alphonse Arzel]], maer Gwitalmeze, ha [[Jean-Baptiste Henry]], eus [[Priel]]. D'ar [[24 Genver|24 a viz Genver]] [[1992]], war-lerc'h 15 bloaz stourm eta, e voe kondaonet an Amoco da baeañ 225 milionmillion a lurioù d'ar Sindikad kemmesk a vode strollegezhioù publik Breizh (rannvro, departamantoù, kumunioù).
