Norseg : diforc'h etre ar stummoù

 

Ur [[yezhoù germanek|yezh c’hermanek]] e oa an '''norseg'''. Kaozeet e veze e [[Skandinavia]] hag er broioù all bet aloubet gant ar [[Vikinged]], betek ar [[XIVvet kantved]].

Gouzout a reomp evelkent e oa ivez ur rannyezh all, norseg ar reter, kaozeet dreist-holl e [[Danmark]] ha [[Sveden]]. Ouzhpenn-se e ra ar yezhoniourien un trede rannyezh a-wechoù gant norseg enez [[Gotland]], an hini a anavezer an nebeutañ.

 

Ar [[runoù]] koshañ a vije skrivet e norseg a sav d’ar bloavezh [[700]] pe war-dro.

Mare klasel an norseg a lakaer en [[XIIvet kantved|XIIvet]] ha [[XIIIvet kantved]]. D’ar mare-se e voe skrivet an darn vrasañ eus [[saga]]où Island, ken brudet.

Betek 1150 pe war-dro e veze skrivet an norseg gant [[runoù|lizherennegoù runek]]. Ur wech ma voe kristenaet e gomzerien, e rejont gant al [[lizherenneg latin]]. Dalc’het e voe d’ober gant ar runoù evit enskrivadurioù berr e-pad ur pennad c’hoazh, koulskoude.

 

 

Heñvel e oa henyezh Norvegia ha hini Island, ''norseg ar c’hornôg''. Ar yezh-se en em ledas en trevadennoù savet gant Vikinged deuet eus Norvegia, en [[Inizi Faero]], e [[Greunland]], en Enez [[Manav|Vanav]] pe war aodoù [[Bro-Skos]]. Graet e veze gant ''norseg ar reter'' e [[Danmark]], e [[Sveden]] hag en trevadennoù savet e [[Rusia]], [[Bro-Saoz]] ha [[Normandi]]. ''Rannyezh Gotland'' a veze kaozeet war enez Gotland hag e trevadennoù zo er reter. En [[XIvet kantved]] e oa an norseg ur yezh a veze komzet war un dachenn ec’hon, eus [[Vinland]], en Amerika, er c’hornôg betek ar stêr [[Volga]] er reter. Mont a reas da get e Rusia en [[XIIIvet kantved]].

 

Tamm-ha-tamm en em rannas an norseg da vont d’ober meur a yezh, ar [[yezhoù skandinavek]], evel an [[islandeg]], ar [[faeroeg]], an [[norvegeg]] (en e zoare ''nynorsk'' dreist-holl) hag an [[norneg]], ur yezh varv a veze kaozeet en [[Inizi Orc'h]] hag en [[Shetland|Inizi Shetland]] diouzh un tu, hag an [[daneg]] hag ar [[svedeg]] diouzh un tu all. Gwall levezonet eo bet an norvegeg a-hed ar c’hantvedoù gant yezhoù skandinavek ar reter.

 

Yezhoù all c’hoazh, ha ne oant ket kar d’ar yezhoù skandinavek, o deus amprestet un nebeud gerioù diganto, evel [[gouezeleg Skos]], ar [[rusianeg]] pe ar [[finneg]]. Ur ger bennak e brezhoneg, evel ''stur'' da skouer, a c’hellfe bezañ bet amprestet digant an norseg ivez.

 

Kinniget o deus tud zo sevel ur Wikipedia e norseg. Sell ouzh [http://meta.wikimedia.org/wiki/Requests_for_new_languages#Old_Norse meta:Requests_for_new_languages].

 

 

[[Rummad:Yezhoù skandinavek]]

{{Liamm PuB|ca}}

{{Liamm PuB|es}}