Angled-ha-Saozon : diforc'h etre ar stummoù

Meur a bobl a oa en o zouez, evel ar [[Saksoned]], araN [[Angled]] hag ar [[Juted]]. Da gentañ e voe savet rouantelezhioù bihan distag ganto, diwar-goust ar rouantelezhioù keltiek ano devoa diskaret en enezenn. Ar re c'halloudusañ anezho e oa [[Deira]], [[Mercia]] ha [[Wessex]]. Emgannoù ha brezelioù a voe renet gant ar rouantelezhioù angl-ha-saoz-se a-enep Kelted an [[Hen Ogledd]] (rouantelezhioù [[Rheged]], [[Manaw Gododdin]], [[Elmet]] hag [[Ystrad Clud]]), hag a-enep tud [[Kernev-Veur]] ha [[Kembre]] diwezhatoc'h, er c'hornôg. En em gannañ kenetrezo a rejont ivez, gant an eil o klask sujañ eben. Rouantelezh Wessex a zeuas a-benn da gemer he c’hreñv war Mercia, en [[825]], hag anavezet e voe [[Alfred Veur]] da roue war [[Bro-Saoz]] a-bezh.

[[Paganiezh|Paganed]] e oa an Angled-ha-Saozon pa errujont en Enez Vreizh. Troet e voent da [[Kristeniezh|gristenien]] gant sant [[Aogustin Canterbury|Aogustin, eskob Canterbury]], kaset da Vro-Saoz gant ar pab [[Gregor Iañ]] e [[596]]. An [[hensaozneg]] (pe angl-ha-saozneg) e oa o yezh. ''[[Beowulf]]'' eo an oberenn anavezetañ eus al lennegezh hensaoznek.