Gwilherm Berthou-Kerverzhiou : diforc'h etre ar stummoù
Endalc’h diverket Danvez ouzhpennet
Diverradenn ebet eus ar c'hemm |
Reizhañ liammoù diabarzh |
||
Linenn 27:
Mab e oa d'ur c'habiten a vor eus Pempoull. Mont a reas d'ar skol-vihan e Pempoull, d'al lise e [[Sant-Brieg]]. Tremen a reas e vachelouriezh war ar skiantoù hag al lizhiri e 1925 ha 1926. Mont a reas neuze d'ar skol-veur e Roazhon, ha dont a reas da vezañ ijinour-strilhour e 1929. Er memes bloaz e voe ijinour e [[Antr|Goueled-Antr]] ([[Bro-Naoned]]). Goude-se e voe o chom e [[Sanch Amàs]] er [[Provañs]], hag e [[Brest]] (er Vilin Wenn), e 1931. Heskinet e voe gant ar polis e 1932 abalamour da darzhadenn Roazhon (pa oa bet lakaet da bulluc'hañ an delwenn ma veze diskouezet Breizh daoulinet dirak ar Frañs). Tamallet e voe dezhañ bezañ kenlabouret da sevel ar poultr. War-lerc'h ez eas da [[Marselha|Varselha]], ha distreiñ da [[Landreger]] e 1935.
Adalek 1939 e voe kelenner war ar strilhouriezh hag an naturoniezh e skolaj Itron Varia ar Wir Sikour e Brest. Sekretour ''[[Gwalarn (kelaouenn)|Gwalarn]]'' e voe neuze, koulz ha merour ''[[Arvor (kazetenn)|Arvor]]'', ha skrivagner e-barzh ''[[L'Heure Bretonne]]'' (kronikenn "ar yezh hag ar vro".
Goude ar brezel e voe teñzorer ''[[Kad (kelaouenn)|Kad]]'', ha rener ha pennskrivagner ''[[Ogam (kelaouenn)|Ogam]]''. Skrivet en deus pennadoù ivez e-barzh ''[[Galv (kelaouenn)|Galv]]'', ''[[Studi hag Ober]]'', hag ''[[al Liamm]]''. Mervel a reas e 1951, d'an oad a 43 bloaz, klañvet-fall ma oa.
Barzh e voe Gwilherm vBertoù dreist-holl, met un nebeud danevelloù a zo anavezet ivez, en o zouez an hini gentañ el lennegezh vrezhonek ma'z eus anv eus darempred rev (''Llena Davies''). Lavaret e vez gant kalz ez eo luziet-tre e varzhonegoù, levezonet gant an hengeltieg hag ar skiantoù.
| |||