Manuel Godoy : diforc'h etre ar stummoù

Hidalgo a orin, savet d'ar galloud gant ar roue Carlos IV, a roas titloù hag enorioù dezhañ, madoù e-leizh. Ne deuas ket a-benn da virout ouzh aloubadeg Spagn ha dilez [[Carlos IV]]. An impalaer gall [[Napoleon Iañ]] a rae fae warnañ, a oa, dre ma ne oa ket feal a-walc'h dezhañ, evel a welas gant aloubadeg Portugal en 1801, hag ar galv a reas d'en em sevel a-enep Bro-C'hall da vare [[emgann Jena]] e 1806.

Manuel Godoy a oa mab da José de Godoy y Sánchez de los Ríos, ha da Maria Antonia Justa Álvarez de Faria y Sánchez Sarzosa, a orin portugalat.

Ganet e oa d'an 12 a viz Mae 1767, e-barzh calle Santa Lucía, e [[Badajoz]], en un tiegezh paour. Da 17 vloaz ez eas e rejimant gwarded ar roue, hag anvet e voe neuze da vont gant Gwarded ar C'horf, ha kaset da Vadrid evel e vreur. Hennezh avat a voe harluet eus al lez gant ar roue [[Carlos III]] dre ma en devoa graet kinnigoù dizonest ded'e verc'h-kaer, [[María Luisa de Borbón-Parma]], priñsez Asturiez. <br />

Da 21 bloaz e voe kinniget en ofisiel da priñsed Asturiez (titl a veze roet da bennhêr rouaned Spagn). Kaozeal kaer a ouie, ha plijout d'e selaouerien, setu ma savatsavas mignoniezh outañ en danvez -roue [[Carlos IV]], ma teuas da vezañ [[serc'heg]] d'e wreg, María Luisa de Borbón-Parma.

D'an 30 a viz Kerzu 1788, 16 deiz goude roueet priñs Asturiez, e voe anvet da cadet surnumérairegaded er Palez,; en miz Mae 1789 e voe anvet da goronel marc'hegiezh, en miz Du 1789 da varc'heg [[Urzh Santiago]], en miz Eost 1790, da gomandour an urzh, en miz C'hwevrer 1791 da eiler-a-gamp, en miz Meurzh da zenjentil al lez, en miz Gouhere da bennletanant ha da varc'heg Kroaz-veur Urzh Carlos III, en 1792 da zug Alcudia gant Meurdez Spagn, en miz Du [[Urzh ar maoutken Aour]], hag e miz Meurzh 1793 penngomandant. Goude-se e vo c'hoazh dug Sueca, markiz Alvarez, aotrou Soto de Roma.