'''Raibeart Brus''' pe '''Raibeart I''' ("RoparzhRoperzh ar C'hentañ" e brezhoneg; ''Robert (the) Bruce'' e [[saozneg]]; ''Robert de Brus'' pe ''Robert de Bruys'' er skridoù kozh), ganet d'an [[11 a viz Gouhere]] [[1274]] en ul lec'h diasur (marteze en ur c'hastell e [[Cill Osailt]]), ha marvet d'ar [[7 a viz Mezheven]] [[1329]] e [[Càrdainn Ros]], a oa [[Roll Rouaned Bro-Skos|Roue Skos]] adalek [[1306]] betek e varv. Brudet eo evit bezañ unan eus ar renerien a zegasas dieubidigezh [[Bro-Skos]] ha lakaet eo da vezañ unan eus harozed vroadel ar vro. Eñ eo a c'hounezas [[Emgann Allt a' Bhonnaich]] (''Bannockburn'') e-kichen [[Sruighlea]] e [[1314]] ma voe faezhet arme ar Saozon.
