Lan Inizan : diforc'h etre ar stummoù

==E vuhez==

Genidik e oa eus Gwinevez e [[Bro-Leon]]. Beleget e voe d'ar [[14 a viz Mezheven]] [[1851]] hag anvet da gure [[Gwikourvest]] d'an [[28 a viz Mezheven]] da-heul. Mont a reas da berson e-pad 10 vloaz a-raok distreiñ da di e dud ma chomas 4 bloaz. E [[1865]] ez eas da [[Normandi]] da gelenner, ur vicher a reas 4 bloaz a-raok bezañ anvet da berson eno e [[1869]]. E [[1871]] e welas ar [[Prusia|Brusianed]] o tegouezhout. E [[1874]] e oa o kelenn e [[Gwengamp]]. E 1874 ez eas da berson da Winevez ma varvas e [[1891]]. Butuner bras, teod-lemm hep aon gant sevel cheu d'an dud ha gant soñjoù roueelour don, kement-mañ a harzas outañ da vont pelloc'h war ar vicher ha chomet e oa tri bloavezh, a 1871 da 1874, hep parrez ebet. D'ar c'houlz-hont eo e krogas e penn e bluenn evit skrivañ e-pad e amzer vak. Ar brezhoneg a zeu gantañ en e skridoù a zo ur brezhoneg bev-buhezek met aes da lenn anezhañ. Nebeut a oberennoù a zo bet sevenet gant '''Lan Inizan''' met e bennoberenn [[Emgann Kergidu (romant)|Emgann Kergidu]] hag a oa bet gwerzhet mat pa oa bev an aozour c'hoazh a chom hiziv an deiz ur romant a bouez el lennegezh vrezhonek.

==Oberennoù==

* ''[[Toull al Lakez]]'', un danevell varzhus embannet e 1874.

* ''[[Emgann Kergidu (romant)|Emgann Kergidu]]'', ur romant embannet e div levrenn e [[1877]] ha [[1878]], pennoberenn Lan Inizan, ar romant kentañ embannet en istor al lennegezh vrezhonek ha berzh a reas e-touesk an dud. Skrivet eo en ur brezhoneg pinvidik-mor. Ennañ e kaver istor an emgannoù a enebas ar Chouaned ouzh ar Republikaned e-pad an Dispac'h Bras, e Gorre-Leon.

* ''Buhez Sant Frañsez Asiz'', un danevell eus buhez ar sant, embannet war-lerc'h marv Lan Inizan, e 1898. Levezoniñ a reas ''Buhez ar Sent'' [[Yann-Vari Perrot]]. Adembannet gant [[Ar Vuhez Kristen]], [[Rosko]], e 1942, reizhet ha kresket gant an Tad Eujen a Wengad.

 

==Ereoù diavaez==