'''Karel Treybal''' a zo bet ganet d'an [[2 C'hwevrer|2 a viz C'hwevrer]] [[1885]] e [[Kotopeky]], e mervent [[Praha]] ([[Tchekoslovakia]]) ha marvet d'an [[2 Here|2 a viz Here]] [[1941]].
Mestrc'hoarier [[echedoù]] [[Tchekia|tchek]].
Gober a reas e studi war ar gwir. Anvet e voe da gadoriad lez-varn [[Velvary]], nepell eus [[Praha]]. Ur c'hoarier amatour e oa, met e live uhel a lakaas anezhañ e-mesk an 50 gwellañ c'hoarier ag ar bed e-pad prantad brasañ e vuhez [http://chessmetrics.com/cm/PL/PL41114.htm]. Kampion [[Tchekia]] e voe e [[1907]] ha kampion e [[1921]], a-gevred gant [[Ladislav Prokeš]].
Bravañ disoc'h hiniennel Karel Treybal a voe an c'hwec'hvet plas bet tapet gantañ, a-gevred gant [[Aaron Nimzowitsch]] e tournamant [[Karlovy Vary]] (Karlsbad) e [[1923]]. Eno e voe trec'h war [[Aleksandr Alec'hin]] hag a zeuas da vout kampion ar bed e [[1927]].
Karel Treybal a c'hoarias e skipailh broadel [[Tchekoslovakia]] e-doug 3 Olimpiad [[Echedoù]] .
* E miz Gouere 1930, ouzh an eilvet tablenn en 3vet Olimpiad e [[Hambourg]] (+3 –4 =6).
* E miz Gouere 1933, ouzh an eilvet tablenn er 5vet Olimpiad e [[Folkestone]] (+4 –3 =5).
* E miz Eost 1935, ouzh ar bedervet tablenn en 6vet Olimpiad e [[Varsovia]] (+5 -1 = 9).
Tapout a reas ur vendalenn argant-skipailh e 1933 e [[Folkestone]] .
Karel Treybal a varvas e-pad dalc'hidigezh e vro gant an nazied alaman. Harzet ha bac'het e voe ganto d'an [[30 Mae|30 a viz Mae]] [[1941]] araok bout tamallet evit bout pourchaset armoù d'ar Rezistañs ha bout bet gantañ ur bistolenn hep aotre. N'ouier ket ma oa gwir pe gaou an tamall. Barnet e voe da varv. D'an [[2 Here|2 a viz Here]] [[1941]] e voe kaset d'ar marv.
N'oa ket bet rentet e gorf d'e familh ha n'ouier ket pelec'h e oa bet lakaet.
== Partiennoù ==
[[Rummad:Ganedigezhioù 1885]]
[[Rummad:Marvioù 1941]]
[[Rummad:C'hoarierien echedoù]]
[[Rummad:C'hoarierien echedoù tchek]]
|