Anavezet eo Bro-Leon evit al labour-douar dreist-holl. Ar rannvro tro-dro da Gastell-Paol, anvet "Ar Gouriz Alaouret", a zo un dakad a zouaroù traezhennek, ur seurt leus skornvezhel a c'hell tizhout betek 8 metrad donder. Kenderc'husted al labour-douar a zo ken uhel, pe uhelloc'h c'hoazh egethag hini an Izelvroioù. Eno e kaver ul lodenn vras eus al legumaj produet e Bro-C'hall a-bezh, anavezet dreist-holl evit an artichaod (kentañ e Bro-C'hall), ar brikoli, an tomatez pe ognon roz AOC Rosko ha chalotez Kastel-Paol. Teknikoù hengounel an trempañ douaroù gant an bezhin, ha diwezhatoc'h ar re a-vremañ gant an traktor o kemer plas ar c'hezeg, a zo bet ijinet eno. Eno ivez eo ganet ar marc'had « diouzh an dremm » diwar atiz ar sindikadour Alexis Gourvennec. Pinvidigezh labour-douar Bro-Leon a zo dleet kement d'an aket kemeret gant an douar eget gant ar startijenn evit ar c'henwerzh, dreist-holl gant ar vroioù estren.
