Ger kevrennek : diforc'h etre ar stummoù

An darn vrasañ eus ar gerioù kevrennek a vez savet diwar ur ''[[penn (yezhoniezh)|penn]]'', da lâret eo an elfenn a ro ar ster ledan d'ar ger kevrennek, hag an elfennoù (''[[Spisaer (yezhoniezh)|spisaerion]]'') all a dalvez da spisaat ster ar [[ger]]-se (saoz. 'modifiers'modifier''s). Graet e vez ''pennek'' (saoz. ''endocentric'') eus gerioù kevrennek a seurt-se rak tennañ a ra o ster da ster an elfenn pennañ a zo enne. Da skwer e brezhoneg ''ti-post'', hag a zo un ''ti'' (da lâret eo ur savadur) a dalvez da gas ha resev lizhiri (''post''). Un doare ''ti'' ispisial an hini eo.