'''Carlo Levi''' ([[Torino]], [[29 a viz Du]] [[1902]] - [[Roma]], [[4 a viz Genver]] [[1975]]) a oa ur skrivagner [[italia]]n, livour, kizellour, stourmer enepfaskour ha medisin.
Diwar e bluenn e anavezer dreist-holl ''Cristo si è fermato a Eboli'' ("Chomet eo ar C'hrist a-sav en Eboli"), embanneembannet e 1945, ma kont e vuhez en harlu e [[Lucania]], goude ma oa bet toullbac'het en abeg d'e soñjoù enepfaskour. E 1979 e voe savet ur film diwar al levr-se, gant [[Francesco Rosi]]. Korn-bro Lucania (a zo [[Basilicata]] bremañ) a oa unan eus ar rannvroioù paourañ e Kreisteiz Italia en amzer-hont. En e levr e tiskouez Carlo Levi karantez ouzh tud Lucania ha diskrivañ a ra o buhez diaes. Al levr-se a voe unan eus an abegoù ma voe kaozeet kalzik eus "diaesterioù ar [[Mezzogiorno|c'hreisteiz]]" gant ar bolitikerien goude an [[Eil Brezel-bed]], ha ma voe graet strivoù evit klask lakaat ar rannvroioù-se da ziorren.
