Baleer

==[[Coragyps atratus]]==

Salud deoc'h, Setu m'emaon o paouez kregiñ er pennad diwar-benn ''Coragyps atratus''. M'ho peus c'hoant da deuler ur sell... A galon.--[[Implijer:Prieladkozh|Prieladkozh]] ([[Kaozeadenn Implijer:Prieladkozh|kaozeal]]) 1 Mae 2015 da 10:17 (UTC)

==Urubued==

:Demat deoc'h ivez, Gwelet ho peus em boa krouet ar bajenn [[Coragyps atratus]] (ha [[Cathartes aura]], [[Cathartes burrovianus]] da-heul), pezh am boa skrivet deoc'h d'ar 1{{añ}} a viz Mae kement ha kenlabourat ganeoc'h... Perak n'em boa ket graet gant an anvioù a gaver war dTermofis, emezit-hu ? Poellekoc'h em boa kavet kregiñ gant an anvioù skiantel eget fiziout en dave nemetañ am boa kavet d'ar c'houlz-se, ken aes ha tra. N'em eus takenn da rebech da dud a-vicher [[Ofis Publik ar Brezhoneg]], met traoù iskis a gaver war dTermofis a-wechoù, evel skoul Reünion e-lec'h [[skoul ar Reünion]] da skouer... Ma kav deoc'h ez eo fizius a-walc'h ar gerioù urubu du, urubu penn ruz hag urubu penn melen, grit gante hardizh, ne ran ket forzh : bremañ ne deuan ket ken alies-se amañ ha se zo kaoz ne oan ket kroget gant ar pennad ''[[Cathartes melambrotus]]''. Ne fell ket din lâret tra diwar-benn doareoù an implijer Trec'hlid mitonet... Kalon vat deoc'h.--[[Implijer:Prieladkozh|Prieladkozh]] ([[Kaozeadenn Implijer:Prieladkozh|kaozeal]]) 28 Eos 2015 da 07:54 (UTC)

:::Demat deoc'h, Ma digarezit : ne oan ket evit respont deoc'h dre n'edon ket er vro evit an deizioù. A-du on ganeoc'h penn-da-benn pa venegit ar c'henlabourat "war an hevelep pajennoù". Diaes e oa din ober dave da labour Pêrig Herbert er pennadoù am boa graet war o zro o vezañ na oa ket e oberenn(où) em c'herz, siwazh din... :-( Reizhit hardizh ar pezh a gavfet gaou ; ar reolenn an hini eo. Deoc'h da c'hoût : graet ma soñj, un nebeud sizhunvezhioù 'zo, chom hep delc'her da vagañ pennadoù amañ. A galon.--[[Implijer:Prieladkozh|Prieladkozh]] ([[Kaozeadenn Implijer:Prieladkozh|kaozeal]]) 13 Gwe 2015 da 13:49 (UTC)

 

{{Quotation|Le Sarcoramphe roi et l'Urubu noir ne possèdent pas les habiletés olfactives de l'Urubu à tête rouge et suivent ce dernier jusqu'aux carcasses. L'Urubu à tête rouge arrive soit le premier à la carcasse, soit en même temps que le Grand Urubu ou l'Urubu à tête jaune qui possèdent également la faculté de sentir le mercaptan éthylique. Il peut concurrencer l'Urubu à tête jaune et le Grand Urubu grâce à sa taille plus imposante, mais peut lui-même être déchu par le Sarcoramphe roi, voire par l'Urubu noir, pourtant plus petit. Celui-ci fait la première entaille à la peau de l'animal mort, et l'Urubu à tête rouge ne pourra accéder à la nourriture qu'ensuite, à cause de son bec trop petit pour entailler le cuir d'animaux plus gros que lui. Il s'agit d'un exemple de symbiose entre espèces»}}

Setu ar pezh a gaver war ar Wikipedia gallek evit an dra-se: [https://fr.wikipedia.org/wiki/Wikipédia:Conventions_typographiques#Botanique_et_zoologie].--[[Implijer:Trec'hlid mitonet|Trec'hlid mitonet]] ([[Kaozeadenn Implijer:Trec'hlid mitonet|kaozeal]]) 31 Eos 2015 da 16:30 (UTC)

::Kement-se eo reolenn ar Wiki saoznek (goude breud a gav din), met n'eo ket ar pezh a gaver gant an aozadurioù bras saoznek a bled gant an evnoniezh, evel [http://www.birdlife.org/europe-and-central-asia/news/scientists-prove-eu-bird-law-saves-threatened-species Birdlife], [http://www.worldbirdnames.org/bow/raptors/ IOC, an aozadur pennañ er bed], h.a.--[[Implijer:Trec'hlid mitonet|Trec'hlid mitonet]] ([[Kaozeadenn Implijer:Trec'hlid mitonet|kaozeal]]) 1 Gwe 2015 da 08:40 (UTC)

Trugarez evit al liamm-se n'anavezen ket. Petra 'zo bet graet e brezhoneg? Heuliet e oa bet amañ er Wikipedia brezhonek labour dispar Perig Herbert gant saverien gentañ ar pennadoù. Petra 'gaver gant P. Herbert en e skridoù (Heuliad pennadoù en Hor Yezh)? Pennlizherennoù. Pennlizherennoù ivez er rummad dispar (8 levrenn) embannet gant Al Lanv (Tudual Huon & Padrig an Habask). Memes tra gant evnoniourien Breizh (Groupe ornithologique breton) en o levr kaer ''Atlas des oiseaux nicheurs de Bretagne'', lakaet ganto an anvioù brezhonek (gwelet ar rakskrid brezhonek p.13 gant Patrick Philippon: Pennlizherennoù adarre), ha heñvel e-barzh levr hollgaer Yvon Guermeur ''Ornithologie en Bretagne'' (Palantines, 2009), pennlizherennoù c'hoazh. Mar gra an arbennigourien vrezhonek hag evnoniourien Breizh evel-se, ne welan ket kaer perak ne vefe ket graet evelto.--[[Implijer:Trec'hlid mitonet|Trec'hlid mitonet]] ([[Kaozeadenn Implijer:Trec'hlid mitonet|kaozeal]]) 2 Gwe 2015 da 15:34 (UTC)

:Komprenet em eus a-walc'h ez eo boaz an evnoniourien hag ho peus heuliet ar boaz-se. Hogen, ar pezh am eus klasket gouzout n’eo ket tre perak ho peus graet evel-se, met kentoc'h pehini eo an doare d’ober a zere d’ar Wikipedia vrezhonek. Ha da ’m soñj n’eo ket an hini a zifennit amañ.

:3. Dav eo intent n’eo ket gwall anavezet boaz an evnoniourien er-maez eus bed an evnoniezh, hag al lodenn vrasañ eus implijerien ar Wikipedia n’int ket evnoniourien. Souezhet e vo un toullad mat anezhe gant ar pennlizherennoù-se neuze. Distroet e vo o evezh diouzh an danvez e teuont da glask, ha lod anezhe a gemmo anezhe pa soñjo dezhe e oant bet lakaet dre fazi, evel am eus-me graet, hag evel a zo bet graet e-pad nav bloaz war ar Wikipedia saoznek.

:4. Lakaet e vez ar bennlizherenn gant an evnoniourien pa dalvez an anv a implijont kement hag an anv skiantel. Evel-se e lakaont un anv dreist ar re all evit an evned o deus meur a hini. Pa gaver anvioù disheñvel evit un evn e c'hell an implijerien implijout hini pe hini war Wikipedia. Spered an holloueziadur-mañ a zo chom neptu, ha neket lavaret peseurt anv a ranker implijout na lakaat un anv da vezañ trec'h war ar re all.

::Unan eus pennaennoù ar wikipedia brezhonek, evel an holl wikipedioù all, eo n'eo ket ur geriadur [https://br.wikipedia.org/wiki/Wikipedia:N%27eo_ket_wikipedia_ur_geriadur], ar [[wikt:Degemer|Wikeriadur]] a zo aze evit se. Un holloueziadur an hini eo. Pep danvez a c'hall kaout e duioù, e blegoù... Nevez 'zo ez eus bet anv amañ eus reolennoù ardameziñ a zo disheñvel war boentoù 'zo diouzh hini ar yezh voutin (disheñvelout an araogenn "e" diouzh an anv-perc'hennañ "e" da sk.). Evel-se emañ kont. E galleg e skriv an holloueziadurioù ''rougegorge'' ha ''pic vert'', pa ra ar geriadurioù gant ''rouge-gorge'' ha ''pivert''. Er yezh voutin e ra tud zo gant "gwennili" evit ar [[glaouer (evn)|glaouered]], pa n'o deus netra da welet an eil gant egile evit ar skiant. El lennegezh, er rannyezhoù… hag eleze er geriadurioù e c'haller en em gavout gant an implijoù-se, roll ar geriadurioù an hini eo, n'eo ket hini an holloueziadurioù.--[[Implijer:Trec'hlid mitonet|Trec'hlid mitonet]] ([[Kaozeadenn Implijer:Trec'hlid mitonet|kaozeal]]) 3 Gwe 2015 da 15:20 (UTC)

:::Evel-just n’eo ket ar Wikipedia vrezhonek ur geriadur. Sellet em eus pizh ouzh ar bajenn ho peus kaset din evelkent : komz a ra eus ar pennadoù a dalvezfe da dermenañ ur ger hag eus pennadoù a ziplegfe ur reolenn yezhadur. Hogen ne ’m eus ket lakaet ar gaoz war an traoù-se. Ne ’m eus ket lennet ne vefe ket ar geriadurioù hag ar yezhadurioù daveoù evit ar reizhskrivadur, ar yezhadur hag al lizherennerezh. Ne ’m eus ket lennet ivez e vefe arabat menegiñ an anvioù heñvelster.

:::Dre vras, ne vez ket lakaet pennlizherennoù war al loened, war a welan war [http://sfi.mnhn.fr/sfi/8.theses/8.theses.html] ha [http://www.irstea.fr/nos-editions/dossiers/biodiversite-aquatique-esturgeon]). Al loenoniourien n’int ket evnoniour ne lakaont ket pennlizherennoù war anvioù an evned ivez, war a welan war ar rannbennad 5.2 en dezenn-mañ : [http://sfi.mnhn.fr/sfi/8.theses/bearez%20these.pdf]).

:::Evit ar reolennoù a zo bet anv anezhe (evel an araogenn «e» hag an anv-perc'hennañ «e») n’eo ket gwall sklaer hoc'h arguzenn evidon, rak n’ouzon ket ar pezh a zo bet lavaret ha divizet war ar poentoù-se. Kasit liammoù din.

:Mar sellez e-barzh embannadurioù brudet Delachaux & Niestlé, un ti-embann suis hag a ra levrioù dave war ar skiantoù naturel, da skouer "Guide complet des mammifères de France et d'Europe" e weli e lakaont ingal pennlizherennoù evit ar bronneged. Da skouer: ''«Cerveau parasité par un nématode inoffensif pour lui, mais mortel pour l'Elan, le Renne et peut-être le Cerf noble.»'' (p.208), pe sklaeroc'h c'hoazh: ''«…prédateurs tels qu'Autour, Hibou grand duc, Grand corbeau, Martre, Renard roux), pour les adultes : Renard roux, chiens errants, Aigle royal.»'' (p.326).

:Heñvel eo e saozneg. An embanner Collins, anavezet mat ivez evit e sturlevrioù dwb Skiantoù an Natur, a laka pennlizherennoù ivez. Ar reolenn eo e-barzh ''The Mammals of Britain and Europe'' da skouer: ''«The Brown hare is considerably larger than the Rabbit.»'' (p.144). Heñvel gant an embanner Hamlyn (Country Life Guides), evit ar gwez (''The Hamlyn Guide to Trees of Britain and Europe'').

::Ma ! Diskouezet ez eus bet splann er c'hemennadennoù kent e vez implijet ar bennlizherenn gant lod, ha ne vez ket gant lod all. Ar gwellañ tra d’ober eo heuliañ ar reolennoù reizhskrivadur ha lizherennañ a dalvez evit an holl neuze, dreist-holl pa n’eus pajenn ebet a zisplegfe e vefe dav ober en ur mod all war ar Wikipedia vrezhonek.

::War pajenn ar gaozedenn ho peus meneget e welan e oa bet divizet implijout « en » e-lec'h « e » ganeoc'h-c'hwi o-unan (!)... Met kalz ne vern : n’eo ket eus lizherennañ pe eus reizhskrivadur eo a zo kaoz aze, met eus implij ur stumm rannyezhel.

:Degaset em eus war wel a gav din e vez graet gant pennlizherennoù gant an aozadurioù hag an tiez-embann pennañ ha siriusañ, koulz er bed, e Breizh, hag e bed ar brezhoneg evit an evnoniezh, da vihanañ. Perak ne rafe ket evelto an holloueziadurioù brezhonek? Goude-se, evit a sell ar Wikipedia, hemañ a c'houlenn e vont en-dro kenemglev ha kendiviz etre e implijerien.

:Ardamezouriezh: Adlenn mat ar pezh am boa skrivet. Ne raen nemet degas da soñj ar pezh a veze displeget el levr dave (eus ar bloaz 1965) degaset gant un implijer all.--[[Implijer:Trec'hlid mitonet|Trec'hlid mitonet]] ([[Kaozeadenn Implijer:Trec'hlid mitonet|kaozeal]]) 5 Gwe 2015 da 06:39 (UTC)

::Da ’m soñj n’eus ket ezhomm da reiñ skwerioù ouzhpenn. Lakaet ez eus bet war-wel e vez arveret anvioù an evned hep pennlizherenn ivez e gwirionez e bed an evnoniezh koulz e Breizh hag en tu all. Dister e kavan stourm evnoniourien zo evit o fennlizherenn, rak n’eo ket ar bennlizherenn a laka ul labour da vezañ sirius, met an danvez a gaver ennañ.

::Ardamezouriezh: ho tigarez ma n’on ket bet sklaer a-walc’h. Setu ar pezh a felle din lavaret: divizet ez eus bet implijout «en» e-lec'h «e» war ar Wikipedia-mañ ganeoc'h-c'hwi o-unan. Ne felle ket din lavaret ne oa diazezet an diviz-se war netra, na reiñ un ali aziwarnañ pa oamp o treiñ diwar hor c'haoz.

Ne gomprenan ket mat-kaer ar skouerioù hag al liammoù a roez: er "Bilan des rencontres ornithologiques bretonnes 2014" e welan pennlizherennoù dre vras (p.8 etc.). Evit a sell an aozadur COM, an dra-se 'zo saverien evned, petra da welet gant an evnoniezh? Ha mar sellez mat e skrivont n'eus forzh penaos, ha gant pennlizherennoù n'eus forzh pelec'h en o fichennoù: Tarin des Aulnes, Arlequin Portugais...--[[Implijer:Trec'hlid mitonet|Trec'hlid mitonet]] ([[Kaozeadenn Implijer:Trec'hlid mitonet|kaozeal]]) 7 Gwe 2015 da 08:38 (UTC)

::N'eo ket d'ar verourien da gemer divizoù evel m'eo merket mat amañ [https://br.wikipedia.org/wiki/Wikipedia:Merourien], d'an implijerien an hini eo. Pledet em boa kalz war ar pajennoù a denn d'an evned er sizhunvezhioù tremen. Paouezet e oan amzer d'an c'hendiviz-mañ mont en-dro, ha kavout a ra din ez on manet seven. N'on ket bet o skarzhañ traoù evel amañ ([https://br.wikipedia.org/w/index.php?title=Bultur_roueel&type=revision&diff=1659225&oldid=1658718]), pa'z eus lamet kuit un ditour hag a gavan-me talvoudus da reiñ da c'houzout: al liester (ma ne oa ket a-bouez-kaer evit ar pennad-mañ ez eo talvoudus-mat pa vez kemmadurioù da sk.).--[[Implijer:Trec'hlid mitonet|Trec'hlid mitonet]] ([[Kaozeadenn Implijer:Trec'hlid mitonet|kaozeal]]) 7 Gwe 2015 da 13:45 (UTC)

:::Lennet em eus war ar bajenn a venegit : «Dre vras ne zle ket ur merour kemer divizoù hep ali hag asant ar gumuniezh en a-raok.» Edon o reiñ ma ali hag o lavarout deoc'h ez on asant evit ma vefe graet. Lennit ar pazennoù 3 ha 4 war ar bajenn am eus meneget em c'hemennadenn diaraok.

:::Liesterioù an anvioù a zo un dra a zo da glask er geriadurioù, evel o ferzhioù all (strollder, reizh ha kement zo). Hag evel ho poa lavaret uheloc'h, n’eo ket an holloueziadur-mañ ur geriadur.

Salud deoc'h adarre, Ul levrig gant [[Claude Péridy]] a oa bet embannet e [[1995]] gant ''[[Hor Yezh]]'', ''[[EVNED Breizh]]'' an titl anezhañ : ennañ e c'heller lenn anvioù an holl laboused skrivet '''hep pennlizherenn ebet'''. Pouezus eo notennañ e oa bet pourchaset anvioù an evned gant Pêrig Herbert ha troet ar skrid gant Divi Kervella, Olier Ar Mogn hag Iwan Kadored, izili anavezet eus [[Ofis Publik ar Brezhoneg]]... A galon.--[[Implijer:Prieladkozh|Prieladkozh]] ([[Kaozeadenn Implijer:Prieladkozh|kaozeal]]) 13 Gwe 2015 da 14:06 (UTC)

 

===Kinnig===

 

===Diwar-benn da ginnig===

Ar poent(ig) reizhskrivañ-se a c'houlenn da'm soñj un tamm muioc'h a studi, hag ivez un tamm doujañs evit savboent pep hini. Setu un elfennig all, en alamaneg e reont gant pennlizherennoù ivez en degouezh (n'eo ket hepken evel-just evit an anvioù-kadarn, pa'z eo ar reolenn er yezh-se skrivañ kement anv-kadarn gant ur bennlizherenn, met ivez an anvioù-gwan, an anvioù-gwan-verb, en enep d'ar reolenn voutin: ''«<u>Adjektive und Partizipien werden auch dann großgeschrieben</u>, wenn sie Bestandteile von Berufsbezeichnungen, Dienststellungen oder Titeln oder von <u>Klassifikationseinheiten der Botanik, der Zoologie</u> oder von Fahrzeugtypen sind bzw. wenn sie innerhalb konventionalisierter Bezeichnungen auftreten.''» ([[:de:Großschreibung|gwelet amañ]]).--[[Implijer:Trec&#39;hlid mitonet|Trec&#39;hlid mitonet]] ([[Kaozeadenn Implijer:Trec&#39;hlid mitonet|kaozeal]]) 14 Gwe 2015 da 09:37 (UTC)

::Pennlizherennoù ivez e kembraeg (koulz war wiki ar gembraegerien (da skouer [[:cy:Pioden]]) ha gant ar "Welsh Ornithological Society". Geriadurouriezh ha termenadurezh a zo daou dra disheñvel paneveken. Kavout a ran gwelloc'h heuliañ skouer Perig Herbert en e skridoù, ha mont da heul ar yezhoù bras, an arbennigourien hag an aozadurioù ha tiez-embann pennañ war an dachenn-se, ha lakaat ar brezhoneg a-live ganto, ha degas dre-se un dra bennak ouzhpenn d'ar re a glask tapout deskamant dre hor yezh.--[[Implijer:Trec&#39;hlid mitonet|Trec&#39;hlid mitonet]] ([[Kaozeadenn Implijer:Trec&#39;hlid mitonet|kaozeal]]) 15 Gwe 2015 da 09:42 (UTC)

:::N’eus ket anv amañ nag eus ar mod m’eo savet an termenoù nag eus o zermenadurioù, met eus implij ar pennlizherennoù, da lavaret eo eus lizherennerezh ha neket eus termenadurezh. Sur a-walc'h n’eus ket bet skrivet kalz e brezhoneg a-ziwar an dra-se, met displegadennoù a gaver e saozneg avat, evel «typography is a matter of editorial style and tradition not of nomenclature.» ([[:en:International Code of Nomenclature for algae, fungi, and plants|International Code of Nomenclature for algae, fungi, and plants]], Intl. Botanical Congress, Intl. Assn. for Plant Taxonomy, 2011, «Preface»). Evit gwellaat live ar pennadoù n’eus nemet magañ anezhe, ha n’eo ket un afer a bennlizherennoù. Ma soñjit e tegaso un tamm deskamant, e c'helloc'h displegañ boazioù an evnoniourien hag ar vevoniourien all e korf ur pennad, evel [[Lizherennerezh]] pe [[Bevoniezh]].

:::Bez’ ez eus studiadennoù eus ar siriusañ hag a ra gant anvioù hep pennlizherenn. Evit ar saozneg, yezh skwer ma’z eo, sellit ouzh [http://onlinelibrary.wiley.com/doi/10.1111/jav.2014.45.issue-1/issuetoc Journal of Avian Biology] ha [http://notornis.osnz.org.nz/publications Ornithological Society of New Zealand]. Anat eo n’eus liamm ebet etre live ur studiadenn hag ar pennlizherennoù deroù en anvioù ar spesadoù. Ha ne zegasfe ket kalz a dra reiñ skwerioù evit ar yezh-mañ-yezh.

:::Ar boaz a fell deoc'h lakaat amañ da reolenn evit an evned, hag evit an holl spesadoù all moarvad, n’eo nemet hini evnoniourien zo ha bevoniourien all zo. Hogen e heuliañ pe chom hep e ober a zo un dibab embann hag a vez graet evit an oberennoù arbennik war an evnoniezh pe ar vevoniezh. Evit ar re all e vez graet hep ar pennlizherennoù deroù, hag an holloueziadur-mañ n’eo ket unan anezho. Plediñ a ra gant kalz traoù all. Skwerioù a gaver war bajennoù gouestlet d’an evned zoken ; sellit ouzh [[Kondor an Andoù#Sevenadur|«sevenadur» er pennad «kondor an Andoù»]] e brezhoneg, ouzh [[:fr:Pygargue à tête blanche#Le pygargue dans la culture amérindienne|«Le pygargue dans la culture amérindienne» er pennad «Pygargue à tête blanche»]] e galleg, ouzh [[:en:Common raven#Cultural depictions|«Cultural depictions» er pennad «Common raven»]] e saozneg. Lakaat ar bennlizherenn da reolenn en holloueziadur-mañ a dalvezfe neuze e vefe heuliet ur boaz e kenarroudoù ma n’eus ket anezhañ.

Ur skouer eus ul labour a-feson kaset da-benn war ar poent-se a c'halli kavout el levr "Atlas des Amphibiens et Reptiles de Bretagne" embannet gant Breizh Vev-SEPNB (2014) ennañ ur rann "Croyances et prégugés" mar kaver kredennoù pobl, h.a., kement-se 'ta ouzhpenn ar rannoù (ar)skiantel rik, ha gwelet gant pegement a boell ez eo doujet da dalvoudegezh an anvadurioù, hag ar splet a c'haller tennañ eus implij ar pennlizherennpù pe get.--[[Implijer:Trec&#39;hlid mitonet|Trec&#39;hlid mitonet]] ([[Kaozeadenn Implijer:Trec&#39;hlid mitonet|kaozeal]]) 17 Gwe 2015 da 13:29 (UTC)

::N'emaon ket a-du gant da savboent, un holloueziadur en deus da zegas gouiziegezh er gwellañ doare. Hag un eston eo evidon gwelet ac'hanout, diouzh un tu, o tifenn mort reolennoù sonn hag hengounel war dachenn al lizherennaouiñ, hag o tamall ac'hanon d'ober gant stummoù rannyezhel, ha diouzh an tu all gwelet ac'hanout oc'h ober gant furmoù evel "skwer", "eñv", "moarvad"... ha n'int ket degemeret er genyezh.--[[Implijer:Trec&#39;hlid mitonet|Trec&#39;hlid mitonet]] ([[Kaozeadenn Implijer:Trec&#39;hlid mitonet|kaozeal]]) 21 Gwe 2015 da 09:37 (UTC)

:::Ne ’m eus ket roet ali ebet a-ziwar ar stummoù rannyezhel er pennadoù. Ha ne vern penaos n’emaomp ket o sevel ur pennad amañ. Padal e kavoc'h « skwer » [http://yabzh.com/2014/03/trochou-er-frazennou gant Yann Gerven e-barzh ''Ya !''] pe [http://www.agencebretagnepresse.com/cgi-bin/dico.cgi?dico=breton&key=skwer&buton=Traduire e-barzh geriadur gwer Favereau] (e peurunvan), da skwer... E-barzh an hevelep geriadur e kavoc'h « eñv » e-kichen « eñ ». Ho tigarez, me ho ped, evit ar fazi am eus graet pa ’m boa skrivet « moarvad » e-lec'h « moarvat ».

 

==Gup/Bultur==

Adsellet em eus ouzh skrid P. Herbert en ''[[Hor Yezh]]''. Evidon-me eo diarvar, ha mont a ra tre-ha-tre gant an hentennoù labour displeget gantañ en niv. 188. Evit ar yezh (ar)skiantel, hervez e lavar, n'eo ket bezañ "bultur" ha "gup" ar memes tra. N'haller ket reiñ anvioù heñvel da gerentiadoù ken disheñvel. Ur "golvan-aod" n'eo ket ur [[golvan]], n'eo ket ur [[golvaneg]] zoken; ur "voualc'h-dour" n'eo ket ur [[moualc'h|voualc'h]], ha n'haller ket o implijout evel-se er yezh (ar)skiantel. Er c'hontrol, ar yezh pemdez, al lennegezh… a ra ar pezh a gar war an dachenn-se.--[[Implijer:Trec&#39;hlid mitonet|Trec&#39;hlid mitonet]] ([[Kaozeadenn Implijer:Trec&#39;hlid mitonet|kaozeal]]) 3 Gwe 2015 da 15:43 (UTC)

==Pennlizherennoù==

Demat deoc'h, Ha goût a rit e c'hallit goulenn ali an implijerien all diwar-benn ar c'hraf-mañ dre ur votadeg ? Marteze un doare da lakaat naetaat an tour-iliz hep brallañ ar c'hleier... :-)--[[Implijer:Prieladkozh|Prieladkozh]] ([[Kaozeadenn Implijer:Prieladkozh|kaozeal]]) 22 Gwe 2015 da 16:26 (UTC)

 

== [[Geriadur brezhoneg An Here]] ==

Ho saludiñ,<br>''Testenn italek''

Amañ a-us emañ stumm reizh anv ar pennad, da'm soñj, pa'z eo [[An Here]] anv an ti-embann.<br>

Salud dit ! Gwelet 'm eus 'peus cheñchet un tamm an notenn am boa lakaet er pennad [[Astureg]]. N'ouzon ket petra eo soñj tud Al Liamm, met sur on e ra Gwenael Emelyanoff e-unan gant ar ger "astureg". Anavezout a ran an den ha gant ar ger-se e ra. [https://www.aureliogonzalezovies.com/otraslenguas-c24hg Amañ] e kavi ar ger "astureg", skrivet gantañ ivez (nemet e soñjfe dit eo bet skrivet gant Aurelio González Ovies ? ;-)). Klask a rin daoust ha skridoù all zo bet skrivet gantañ gant ar ger-se enno. Adlakaat a rin an notenn en he stumm kentañ, rak evel m'emañ n'eo ket splann e vez implijet ar ger gant G. Emelyanoff, ur brezhoneger hag a oar diouzh ar yezh-se. A galon, --[[Implijer:Llydawr|Llydawr]] ([[Kaozeadenn Implijer:Llydawr|kaozeal]]) 5 Ebr 2017 da 16:06 (UTC)

: Mat-tre. N'on ket sur e vefe ur "soñj" bennak war an astureg gant "tud Al Liamm", lakaomp e oarfent un tamm astureg. [[Implijer:Bianchi-Bihan|Bianchi-Bihan]] ([[Kaozeadenn Implijer:Bianchi-Bihan|kaozeal]]) 5 Ebr 2017 da 18:11 (UTC)