Kaset ha digaset war ar mor e tegouezhas an arc'h en enez [[Serifos]]. Eno e voent skoazellet gant ur pesketaer, [[DiktisDiktys]] e anv, a oa [[breur]] da roue an enez, [[Polidektes]].
En enez Serifos e kreskas Perseüs, kenteliet gant [[DiktisDiktys]]. Ar roue Polidektes avat a gare [[Danae]], ha kement-se ne blije ket d'ar Perseüs yaouank a ziwalle [[vertuz]] e vamm. Neuze e klaskas ar roue Polidektes penaos e c'hallfe pellaat ar c'hrennard diwar dro e vamm. Dont a reas en e soñj lakaat tud an enezenn da reiñ dezhañ kezeg, ha hervez doareoù zo eus ar vojenn e felle dezhañ kinnig al loened da [[Hippodamia]] en devoa c'hoant da gemer da bried. Perseüs paour n'en doa ket a gezeg met kinnig a reas degas dezhañ pezh a garje, ne vern petra e vije. Hag a roue neuze da c'houlenn digantañ mont da gerc'hat penn ar [[Gorgon]] [[Medousa]], euzhvil a droe an dud e maen netra nemet gant e sell.
[[Restr:Persee-florence.jpg|thumb|right|180px|''Perseüs o stourm ouzh Medusa'', gant [[Benvenuto Cellini|Cellini]]]]
[[AtenaAthena]] a oa kaz enni ouzh MedusaMedousa rak embaret e oa ouzh [[Poseidon]] en un templ a oa bet savet dezhi. Ha setu hi d'en em ziskouez dirak Perseüs ha d'e genteliañ diwar-benn pezh a rankje ober. <br />
