[[File:Sikyon ancient theatre.jpg|thumb|right|C'hoariva kozh SikionSikyon hiziv.]]
[[File:Sikyon doric temple.jpg|thumb|right|Un templ dorek e SikionSikyon.]]
:''Evit ar gumun a-vremañ, s.o. [[Sikyona]].''
'''SikionSikyon''' (Henc'hresianeg Σικυών, genitiv Σικυῶνος) a oa ur [[keoded|geoded]] eus [[Henc'hres]] a oa e norzh [[Peloponnesos]] etre [[Korintos]] hag [[Ac'haia]] war dachenn prefeti [[Korintos]] a-vremañ. Er roll rouanez roet gant [[Paosanias ar Beajour|Paosanias]]<ref>Pausanias 2.5.6-6.7.</ref> ez eus 24 roue, a grog gant Aegialeos; roue eil diwezhañ ar roll, [[Agamemnon]], a redias Sikion da sujañ da [[Mikenai|Vikenai]]. War e lerc'h e teuas an alouber [[dorianed|dorian]] [[Falkes]]. Paosanias en deus implijet ur vammenn a oa implijet gant [[Kastor Rodos]] ivez. Anavezet e voe gant F. Jacoby<ref>F. Jacoby on Castor in ''Die Fragmente der griechischen Historiker'' 250 F 2, meneget gant Robertson a zo a-du gantañ, 1999:65 ha notenn 36.</ref> evel ur ''Sicyonica'' kollet savet gant ar barzh [[Menaec'hmos]] Sikion a veve e fin ar IV{{e}} kantved.
War a lavared en Henamzer e oa unan eus keodedoù koshañ Henc'hres. Anavezet e oa a-raok dindan anvioù all Egiale, ha Mekone. Eno e oa lec'hiet ijinadenn an aberzh gant [[Prometheüs]].
