Wikipedia:Pajenn gaozeal : diforc'h etre ar stummoù

* <span id="communicate" />'''Kemenn''': Strivit da skrivañ sklaer ha fraezh evit bezañ komprenet mat gant ar re all. Kaout doujañs ha skrivañ en un doare habask a servij atav. Ur mennozh mat e vez atav displegañ soñjoù en un doare fraezh. Reiñ ur soñj hep displegañ muioc'h ne servij ket kalz. Displegañ sklaer ar soñjoù a c'hell sikour da gendrec'hiñ ar re all ha da dizhout ur [[kenemglev|c'henemglev]].

* <span id="topic" />'''Derc'hel d'an tem''': Ar bajenn gaozeal stag ouzh ur pennad a zo graet evit komz eus ar pennad, ha n'eo ket eus traoù all, re bell diouzh ar gaoz, nag evit flapañ na klakennat. Gwellaat ar pennad eo ar pal da dizhout, netra ken. Ma z'eo ur poent hollek a fell deoc'h sevel, kit d'an davarn. Ur gaozeadenn re hollek pe hep liamm gant ar pennad a c'hell bezañ kaset d'al lec'h dereat gant ur merour gant ma lavaro fraezh petra en deus graet.

* <span id="positive" />'''Bezañ pozitivel''': Pajennoù kaozeal ur pennad a rank bezañ implijet da reiñ alioù ha kendivizout war an doareoù da wellaat ur pennad. N'int ket graet evit pizmigañ eta, na tagañ ar pennad, na labour ur c'henlabourer (ha pa vefe bet graet ur fazi gant unan bennak). Ma soñj deoc'h avat ez eus un dra bennak a-dreuz er pennad ha ma ne ouezit ket penaos e wellaat, menegit kement-mañ evel-just war ar bajenn kaozeal: implijerien all o do moarvat kuzuilhoù mat evit diskoulmañ ar gudenn.

* <span id="objective" />'''Bezañ objektivel''': Pal ar bajenn kaozeal a zo tizhout, war ar pennad, ur [[Wikipedia:Sav-poent neutrel|sav-poent neutrel hag objektivel]], diazezet war andonioù a c'heller fiziout enno. Arabat eta implij ar pajennoù kaozeal evit lakaat e mennozioù personel da dremen. Ar gwellañ tra d'ober a zo diazezañ an eskemm war daveoù resis en diavaez da wikipedia (levrioù da skouer) ha gwelet penaos kinnig en un doare neutrel an daveoù-se ma z'eus savioù-poent disheñvel.

* <span id="factual" />'''Chom stag ouzh ar fedoù''': Ar bajenn gaozeal a zo al lec'h mat evit komz diwar-benn an daveoù. Tu zo goulenn daveoù digant an implijerien all: goulenn daveoù a zo alies pozitiveloc'h eget arguzenniñ a-enep d'ur sav-poent.

* <span id="sharing" />'''Eskemm danvez''': Gallout a reer implij ar bajenn gaozeal evit lakaat danvez ha n'eo ket bet gwiriekaet c'hoazh (tennet diwar ar pennad pe o vezañ prientet kent lakaat war ar pennad), evel-se e c'hello an implijerien all gwiriekaat, kadarnaat, reiñ daveoù resis, a-raok na vefe lakaet an danvez e-barzh ar pennad da vat.

* <span id="discussion" />'''Displegit hoc'h embannadurioù''': Ar bajenn gaozeal a zo ul lec'h mat evit komz diwar-benn an embannadurioù. Ma z'eo bet distaolet unan eus o embannadurioù hag e vez adlakaet ganeoc'h, ez eo mat displegañ perak er bajenn kaozeal, evit ma na vije ket kredet e fell deoc'h kregiñ ur [[Wikipedia:brezel embann|brezel embann]]. Gallout a rit ivez goulenn (en un doare seven) resisadurioù diwar-benn embannadurioù un implijer all.

* <span id="propose" />'''Grit kinnigoù''': Kinnigoù nevez evit gwellaat ar pennad a zo mat lakaat er pajenn gaozeal evit kaout ali an embannerien all. Ar c'hinnigoù-se a c'hell bezañ diwar-benn elfennoù eus ar pennad, kinnig adenvel ar pennad, pe e gendeuziñ, pe disrannañ anezhañ e meur a bennad all, h.a.

* '''Ret eo sinañ ha deiziata ho skridoù''' war ar pajennoù kaozeal dre lakaat peder zildenn: <nowiki>(~~~~), a roio un dra bennak evel: AnvImplijer 19:36, 10 Genver 2008 (UTC)</nowiki>.

*<span id="markup" />'''Arabat implij re ar greskidigezhioù''': Ar re-mañ a zo an ''destenn en italek'', an '''destenn e druz''' ha dreist-holl ar PENNLIZHERENNOÙ, hag a zo un doare '''''HUCHAL''''', ha '''''SAFAR!!!!!'''''. Seurt doare skrivañ a wana un arguzenn hag ouzhpenn-se e c'hellont feukiñ an implijerien all a c'hell en em santout taget. Ar skritur italek (al lizherennoù stouet), implijet mat, a c'hell bezañ talvoudus evit diskouez gerioù pouezus un arguzenn, disheñvelaat titl un oberenn, hag all.

*<span id="concise" />''' Skrivañ berr ha skrivañ sklaer''': Ma'z eo re hir ho skrid, hiroc'h eget 100 ger, berrait mar plij. Kemennadoù re hir a zo diaes da gompren, ha alies ne vezont ket lennet zoken. Adlennit, reizhit, berrait, sklaerait.

*<span id="layout" />'''Derc'hel d'ur framm sklaer''': Skrivit sklaer (adlennit ar pezh ho peus skrivet a-raok embann, mar plij!), gerioù ha frazennoù komprenus, diwallit da adlavarout ar memes tra, heuilhit an alioù roet izeloc'h e keñver pajenn-aozañ.

*<span id="archives" />'''Lenn an dielloù''': Alies e vez kavet dielloù gant ar pajennoù kaozeal, enno kaozeadennoù kozh. Ma'z oc'h un embanner nevez d'ar pennad, bezit sur da lenn an dielloù-se, kuit d'ober fazioù zo bet graet dija, sevel goulennoù zo bet respontet dezho dija, pe mont tre e barzh tabutoù zo bet dirouestlet dija.

*<span id="english" />'''Implij brezhoneg''': Brezhonegerien eus ar bed a bezh a zo war ar wikipedia-mañ. Den ebet n'eo sañset gouzout ur yezh all eget ar brezhoneg.

*<span id="multi" />'''Kreizenniñ ar c'haozeadennoù:''' Arabat eo lakaat an hevelep kaozeadenn e meur a lec'h. Darnaouiñ a ra an eskemm war ar menoz ha lakaat a ra an dud da goll amzer. Mar bez ezhomm, e c'hell ar merourien kreizennañ ar gaozeadenn en ul lec'h (pe en davarn, m'eo ur gaozeadenn a denn da wikipedia a-bezh, pe pajenn kaozeal ar pennad e kaoz) ha strollañ an eskemmoù zo bet. Bewech e c'heller avat leuskel ur meneg el lec'hioù dereat (tavarn, pajenn kaozeal an implijerien a c'hellfe bezañ dedennet, hag all) evit reiñ da c'houzout d'an dud ez eus ur gaozeadenn a soñj deoc'h bezañ pouezus, hag en ur menegiñ evel-just pelec'h emañ dalc'het ar gaozeadenn.

*<span id="welcoming" />'''Bezit degemerus gant an implijerien nevez:''' An dud nevez na anavezont ket moarvat reolennoù wikipedia. [[Wikipedia:Na lammit ket war ar re nevez-deuet|Na lammit ket war ar re nevez-deuet]]. Ma ya un implijer nevez a-enep da reolennoù wikipedia, soñjit n'eo ket bet graet a-ratozh ar fazi moarvat. Displegit en un doare seven ha sioul perak eo dizereat seurt emzalc'h, ha kinnigit un doare gwelloc'h d'ober ar wech a zeu.