Orestes (mab Agamemnon) : diforc'h etre ar stummoù

Mab-bihan da [[Atreüs]] e oa, diskennad da d-[[Tantalos]] ha [[Niobe (merc'h Tantalos)|Niobe]], dindan ur wallblanedenn eta, ha mallozh an doueed zo war an tiegezh-se. A-raok brezel [[Troia]], hag eñ bugelig c'hoazh, e oa prometet da zimeziñ d'e [[keniterv|geniterv]] [[Hermione]], merc'h d'ar roue [[Menelaos]], ha da [[Elena Troia|Elena]]. N'edo ket er gêr pa zistroas e dad Agamemnon eus ar brezel, ha pa voe lazhet gant e vamm [[Klytaimnestra]] hag he serc'heg [[Aigisthos]].

Sevel a reas aon d'e c'hoar [[Elektra (merc'h Agamemnon)|Elektra]] e vije lazhet he breur yaouank ivez. Panevet e vagerez Arsinoe, hervez Pindaros, e vije bet graet e stal dezhañ ivez, rak fellout a rae d'e vamm lazhañ ar mab war-lerc'h an tad. Neuze e voe fiziet ar bugel en o eontr [[Strofios]], a oa o chom e [[Fokida]].