Ares : diforc'h etre ar stummoù

Ares en doa ur [[quadriga|c'harr]] stlejet gant pevar stalon divarvel dezho bridoù aour<ref><small>''[[Ilias]]'' V.352</small></ref> hag a c'hwezhe tan. E-touez an doueed e veze anavezet Ares a-drugarez d'e hobregon. E gwirionez e vez diaes anavout anezhañ er skeudennoù a weler war ar prierezh gresian. Gallout a re bezañ diskouezet evel un den yaouank armet gant ur gouzifiad hag un tokarn en emgannoù pe dindan stumm ur brezelour en oad gour gant ur barv. E evned sakr a oa ar [[kaouenngrell wennvoutin|gaouenn wenn]], ar [[kazeg-koad|gazeg-koad]], an [[toud meur]] hag, er su dreist-holl, ar [[bulturgup]]. Hervez an ''[[Argonautica]]''<ref><small>II.382ff ha 1031ff</small></ref> ; [[Caius Julius Hyginus|Hyginus]], ''Fabulae'' 30) evned Ares (''Ornithes Areioi'') a oa un nijad evned a ziwalle neved an doue e bro an [[Amazonezed]], war aod un enezenn er [[Mor Du]].