Anavezet mat e oa Thales evit e implij nevez eus ar ventoniezh. Gouest e oa da lakat e oueziadurioù da dalvezout en un doare pleustrek.<br />
Hervez DiojenesDiogenes Laertios, e ''Buhezioù, doktrinoù ha lavaroù ar brederourien illur'' da skouer, e lavar Hieronim[[Hieronymos Rodos|Hieronymos]] e oa bet gouest da vuzuliañ ment piramidennoù Egipt. Klasket en dije ar [[Faraon]] Amasis amprouiñ e ouiziegezh hag en dije lâret dezhañ ne oa den ebet gouest da c'hoût pe uhelder e oa ar Biramidenn Vras <ref>[[Ploutarc'hos]], ''Banvez ar Seizh Fur'', §2 :
:« E-giz-se, c'hwi, Thales, estlammiñ a ra roue Bro-Egipt ouzhoc'h, hahag, ouzhpenn traoù all, dudiet eo bet forzh pegement gant an doare ho peus muzuliet ar biramidenn hep tamm chati ebet hag hep kaout ezhomm nep benveg. Goude bezañ savet ho pazh e penn ar skeud a rae ar biramidenn, ho peus savet daou dric'horn dre spin ur skin, hag ho peus diskouezet e oa ar memes kenfeur etre uhelder ar vazh hag uhelder ar biramidenn hag etre hirder an daou skeud. »</ref>.
Brudet eo e anv a-drugarez da deorem Thales (na anaveze ket) a ro liammadennoù etre keñverioù hedoù en tric'hornioù. Lakaet e vije bet anat an teorem-se evit ar wezh kentañ gant [[Euklides]] a zispleg anezhañ e c'hwec'hvet levrenn an ''Elfennoù''.
