Alamagn : diforc'h etre ar stummoù

Krediñ a reer e oa deuet war wel kenel ar [[Pobloù german|meuriadoù german]] e-pad [[oadvezh an arem]], pe e-pad [[oadvezh an houarn]] d’an diwezhatañ. Er c’hantved kentañ kent JK e krogas ar meuriadoù d’en em astenn war-du ar su, ar reter hag ar c’hornôg adalek su [[Skandinavia]] ha norzh Alamagn.{{dave|Claster}} Dindan ren [[Augustus]] e voe aloubet Alamagn gant ar jeneral roman [[Publius Quinctilius Varus]]. E-pad ar mare-se e teskas ar meuriadoù german troioù-brezel ar Romaned. War-lerc’h ma oa bet trec’het meur a wech legionoù Roma gant an armeoù german e chomas Germania er-maez eus an Impalaeriezh Roman betek ar stêrioù [[Roen]] ha [[Danav]]. War-dro 100 goude JK e tiazezas ar meuriadoù german a-hed ar stêrioù-se (al [[Limes Germanicus]]), o terc’hel evel-se an darn vrasañ eus tachennad Alamagn bremañ. E-pad an IIIe kantved e voe meur a veuriad bras, anezho Germaned eus ar c’hornôg, o tont war wel : [[Alemanned]], [[Franked]], [[Chatti]], [[Saksoned]], [[Frizianed]], [[Sicambri]], ha [[Thuringii]]. War-dro 260 e treuzas ar pobloù german al [[Limes]] ha harzoù an Danav.{{dave|Cambridge_ancient_history}}