Việt Minh : diforc'h etre ar stummoù

[[Restr:Giap-Ho.jpg|thumb|[[Võ Nguyên Giáp]] hag [[Hô Chi Minh]] e 1942]]

An aozadur a gouezas goustadik en e boull betek ma voe adlañset da vat gant ar Strollad Komunour Indezat-sinat, [[Hồ Chí Minh]] en e benn e [[1941]]. Ar Việt Minh en em roas evel pal pennañ deubiñ ar vro diouzh an Impalaeriezh Trevadennel C'hall. E-pad an [[Eil Brezel-bed]], ar [[Stadoù-Unanet Amerika|Stadoù-Unanet]] kement ha [[Republik Sina]] a roas harp d'ar Viêt Minh a-enep an alouberien [[Japan|japanat]]. Goude ar Brezel-bed, pa grogas ar stourm a-enep an drevadennerien c'hall, e voe harpet ar C'hallaoued gant SUA a-enep ar Viêt Minh. Ur wech kollet ar [[Brezel Indez-Sina|brezel]] gant ar C'hallaoued en em gavas ar Viêt Minh o stourm kement a-enep nerzhioù [[Stadoù-Unanet Amerika|SUA]] evit re [[Republik Su Vietnam]].

== Eil Brezel-bed ==

E-pad an Eil Brezel-bed, [[Impalaeriezh Japan]] a aloubas an trevadennoù c'hall indez-sinaat. Ar Viêt Minh a stourmas a-enep Japaniz hag ivez a-enep an nerzhioù C'hall a oa chomet evit derc'hel an trevadennoù. E dibenn ar bloavezh [[1944]], ar Viêt Minh a embanne bodañ 500 000 a izili, 200 000 anezho en [[Tonkin]], 150 000 en [[Annam]] ha 150 000 e [[Kochinchina]]. Pa godianas Japan e miz Eost [[1945]] e roas he beli war lod savadurioù foran betek reiñ lod eus hec'h armoù tapet digant al lu c'hall d'ar Việt Minh, a oa renet gant Hồ Chí Minh. Ar pal a oa lakaat pennoù broadelour Viêt Nam da stourm a-enep an drevadennerien c'hall. Lod soudarded [[Lu Impalaeriezh Japan]] a emezelas er Viêt Minh evit reiñ o harp d'ar stourm dieubidigezh e-ser distreiñ da Japan.