Luisa Carlotta an Div Sikilia : diforc'h etre ar stummoù

Ur vaouez a benn e oa, un itrikerez touet, hag un den a bouez bras el lez. Pa varvas trede pried ar roue [[Fernando VII]], he breur-kaer, bepred divugel, e teuas Luisa Carlotta a-benn da lakaat [[roue Spagn]] da addimeziñ d'he c'hoar yaouank [[Maria Christina an Div Sikilia]], a deuas da vout pevare pried ar roue [[intañv]].

Ur perzh a-bouez bras he doe d'ar mare ma edo ar roue [[Fernando VII ]] war e dremenvan en [[1832]]. Gouvezet he devoa e oa bet torret dre guzh, gant ar roue, ar Pragmática a oa bet savet da vont a-enep al [[lezenn salek]] a denne pep gwir digant ar priñsezed, ha dre-se digant e verc'hed a oa kenitervezed da Luisa Carlotta, evit lakaat an infant Carlos Maria Isidro da bennhêr, setu Luisa Carlotta da c'hervel ar ministr [[Francisco Tadeo Calomarde|Tadeo Calomarde]], abalamour dezhañ da ziskouez ar skrid orin a destenie kement-se. Pa welas ar baperenn e krogas enni, en drailhas, hag en taolas en tan. O welout e klaske ar ministr adtapout an dihell, e roas an Infantez div skouarnad dezhañ hag a zo chomet en istor. Ma lavaras ar ministr, kourtes : -"Señora, manos blancas no ofenden" (Itron, daouarn gwenn ne reont droug").