Diforc'hioù etre adstummoù "Republik Sina (1912-1949)"

Diverradenn ebet eus ar c'hemm
 
'''Republik Sina''' (sinaeg : 中華民國, pinyin : Zhōnghuá Mínguó) a oa ur stad e reter Azia war douaroù kevandirel Sina etre [[1912]] ha [[1949]]. Savet e oa bet ar Stad-se e miz Genver 1912 goude Reveulzi Xinhai, en devoa roet lamm d'an [[Tierniezh Qing|dierniezh Qing]], tiegezh impalaeriel ziwezhañ Sina. Ar gouarnamant a oa skampet kuit da d-[[Taipei]] e 1949, ur wech trec'het garv ar [[Kuomintang|C'huomintang]] e fin [[Brezel diabarzh Sina]]. Kentañ prezidant Republik Sina, [[Sun Yat-sen]], a oa chomet un tammig amzer e penn ar vro a-raok lezel ar galloud gant [[Yuan Shikai]], penn bras [[Lu Beiyang]]. E strollad, renet gant [[Song Jiaoren]] a oa bet trec'h e-pad dilennadegoù parlamantel Kerzu 1912. Song Jiaoren a oa bet lazhet nebeut amzer war-lerc'h hag ar gouarnamant a oa bet e dalc'h Lu Beiyang gant Yuan Shikai e penn an traoù. Etre fin 1915 ha penn-kentañ 1916, Yuan Shikai en doa klasket adsevel ar vonarkiezh met rediet e voe da reiñ e zilez abalamour da enebiezh kreñv ar bobl. Ur wech marvet Yuan Shikai e 1916, izili luskadoù el Lu Beiyang a grogas da vezañ dieupoc'h-dieupañ diouzh ofiserien al lu. Ouhzpenn klask dont da vezañ dieub e enebjont etreze dre emgannoù. El lajad amzer-se e oa aet gouarnamant Beiyang war wanaat dre un [[Adsavidigezh Manchou|adsavidigezh eus an Dierniezh Qing]].
 
E 1921, ar C'huomintang (KMT), gant Sun Yat-sen e penn ar strollad, a save ur gouarnamant enebet e kêr [[Guangzhou|Canton]], e Proviñs [[Guangdong|Canton]], asambles gant ur strollad nevez o tiwanañ, [[Strollad Komunour Sina]]. EkonomiehzEkonomiezh Norzh Sina, gant tailhoù uhel spontus evit reiñ harp d'ar vistri brezel, a gouezhe en he foull etre 1927 ha 1928. Ar Jeneral [[Tchang Kai-chek]], deuet da vezañ penn ar KMT goude marv Sun Yat-sen, en devoa roet lañs da Aloubadeg an Norzh e 1926 evit flastrañ gouarnamant Beiyang, ar pezh a voe echuet e 1928. E miz Ebrel 1927, Tchang a save ur gouarnamant broadelour e [[Nanjing]], hag a lazhadege komunourien [[Shanghai]]. Ar strollad komunour sinaat a voe rediet neuze da vont gant hent ur guerrilla, kroget e oa [[Brezel diabarzh Sina]].
 
[[Rummad:Istor Sina]]
20 547

modifications