Emsavadeg ar Bonedoù ruz : diforc'h etre ar stummoù

Tammoù reuz a savas er memes mare e kêrioù zo evel [[Dinan]], [[Gwened]], hag e [[Roazhon]] muioc’h c’hoazh.

== Kenaroud ==

Evit arc'hantaouiñ [[Brezel Holand]] (1672-1678), ar Roue [[Loeiz XIV]] en deus ezhomm mammennoù arc'hant nevez. Ar brezel a zlee bezañ unan primm a veze oc'h en em ledañ dre an amzer. Armeoù ar Frañs a oa bet stanket dre ma voe digoret ar skluzioù gant an Holandiz. Ouzhpenn da-se morlu Holand a oa kroget gant ur sez d'an arvorioù c'hall. Evit Breizh e kroge da vezañ drastus da geñver ar c'henwerzh, an hentoù dezougen a oa damm droc'het. Div wech e voe dilestroù holandat, unan war enezenn [[Ar Gerveur]] e 1673 hag unan all c'hoazh e 1674 war [[enez Groe]]. Divizet e oa bet neuze da sevel tailhoù nevez gant [[Jean-Baptiste Colbert|Colbert]] maodiern an arc'hant da [[Loeiz XIV]]. Da gentañ tiez ar paper-timbr, un tailh war ar paper-timbr enaouet e miz Ebrel 1674. Ar paper-se a oa bet lakaet da rediñ en implij evit an holl skridoù justis (testamantoù, kevradoù gwerzh hag ar marilhoù ganedigezh).