Kastell Susinioù : diforc'h etre ar stummoù
Endalc’h diverket Danvez ouzhpennet
Diverradenn ebet eus ar c'hemm |
Ouzhepennet em eus ur pennadig |
||
Linenn 23:
Goude bezañ aet Anna a Vreizh d'an anaon ez adtapas Kurunenn Vro-C'hall ar c'hastell a voe fiziet da ez-vestrez Frañsez I<sup>añ</sup> a Vro-C'hall e 1523 ha war-lerc'h da hini Herri II e 1543, anavezet dindan an anv a Diane a Boatev. En reiñ a reas buan d'he merc'h da-geñver he dimeziñ gant familh Brézé. Int a lakaas an domani da vezañ ur c'habitendi a rojont da C'huillaume a Vontigny, a oa ur gwazour da Ziane a Boatev. Ul levezon vras o do war ar c'hastell, hennezh hag e ziskennidi. Mirout a reas ar c'habitendi goude daspren Susinioù gant Roue Broc-C'hall Charlez IX e 1562. An daspren-se a ziskouez pegen pouezus e oa ar c'hastell hervez ar roueed : zoken e teuas war al lec'h ar roue-se gant he mamm Gatherine a Vedicis e miz Mae 1570.
Arouezet eo eil hanterenn ar XVIvet kantved e Susinioù gant gourdrouzoù brezel etre Bro-C'hall, Bro-Spagn ha Bro Saoz. Ouzhpenn-se e voe un enkadenn a hêrezh goude marv ar roue Herri III e 1589, ur stourm relijiel ha politikel e oa war un dro rak ar pennhêr Herri a Navarre a oa protestant hag e rouantelezh da zont a oa katolik. Dont a reas gwarnour Breizh da vezañ penn an enebiezh gatolik, hag-eñ da vezañ soutenet gant familh a Vontigny a vere c'hoazh an domani. Gounezet a-nevez d'ar gatoligiezh e ro Herri IV an domani da unan eus e dud feal hag eñ en gwerzhas da gabiten Redon Frañsez a Dalhouët. Promesañ a reas d'ar re Vontigny e-kerzh kevraouadegoù e 1597 da virout evito kabitendi ar c'hastell, pezh a lakaas an div familh da stourmañ an eil ouzh eben e fin Brezel Breizh. Ar stourm-se a echuas gant disrann Domani Rewiz, roet da familh Dalhouët hag ar c'hastell a voe miret gant ar re Vontigny.
Da vare an [[Dispac'h gall]] e voe prenet gant ur marc'hadour pinvidik en em lakaas da werzhañ ar mein anezhañ.
Prenet e voe ar c'hastell gant departamant ar [[Mor-Bihan]] e [[1965]] digant ar familh de Francheville a oa perc'henn warnañ hag a oa krog da glask d'e adkempenn. Gant an departamant e voe kaset al labour adkempenn war-raok, a-zevri, e fin an {{XXvet kantved}}. Dismantroù ur chapel a voe kavet e-kichen ar c'hastell hag enni ul leur daret kaer ; diskouezet e vez al leur-se er c'hastell bremañ.
|