Izoglos : diforc'h etre ar stummoù

Un '''izoglos''' a zo ul [[linenn]] war ur gartenn-yezh hag a verk ar vevenn etre daou stumm disheñvel da lâret un dra pe da distagañ ur ger en ur [[yezh]] bennak. Da lâret eo, merkañ a ra ar vevenn etre stummoù [[Rannyezh|rannyezhel]], da skwerskouer al linenn etre al lec'hioù ma vez distaget ''pevar'' hag al lec'hioù ma vez distaget ''pewar'' pe al lec'hioù ma lârer ''beure'' hag al lec'hioù ma lârer ''mintin'', h.a.

Kavet e vez en anv ar gwriziennoù 'izo' (heñvel) ha 'glos' (yezh). Savet eo bet evel un anv [[izogramm]], e-giz [[izobar]] da skwerskouer ; koulskoude, n'eo ket un izoglos ul linenn da liammañ poentoù kenetrezo gant ur memes talvoud, mes kentoc'h ur linenn evit dispartiañ poentoù (marteze e vefe tu da lavaret eo ul linenn da liammañ poentoù hep talvoud resis).