Ofis ar Brezhoneg : diforc'h etre ar stummoù

Tamm-ha-tamm e kreske ar skipailh hag e [[1996]] e voe enfredet [[Fulup Jakez]] da genurzhier '''TermBret''' (ar greizenn [[termenadurezh|dermenadurezh]]), da-heul [[Iwan Kadored]]. [[Olier ar Mogn]] o vezañ kenurzhier ar servij. E lodenn ziwezhañ ar bloavezhioù 90 e voe roet lañs d'an enklaskoù sokioyezhoniel kentañ diwar-benn stad ar brezhoneg er gevredigezh (egin '''Arsellva ar Brezhoneg''') gant ar pal priziañ gwelloc'h stad diorren ar yezh war pep tachenn hag ober kinnigoù d'ar bolitikourien. Dre forzh studiañ emdroadurioù ar broioù all e teue da vezañ splannoc'h-splannañ an ezhomm da gaout ur benveg ofisiel evit ober war-dro ar [[politikerezh yezh]] e [[Breizh]]. War-raok ez ae ar preder e diabarzh Servij ar Brezhoneg a laboure 5 den ennañ d'ar mare-se (an hanter eus implijidi Skol-Uhel ar Vro). Bras e oa an ezhomm kreskiñ. Goude ur frapad e teuas da vezañ anat e vefe diaes kenderc'hel da greskiñ e diabarzh Skol-Uhel ar Vro, ur framm a oa ledanoc'h e gefridioù eget ar yezh. Sklaer e oa deuet da vezañ e oa deuet ar mare da lakaat ar yezh e-kreiz ar gevredigezh, en tu all da vevennoù ar bed sevenadurel ivez.

 

 

=== Ofis ar Brezhoneg, ur benveg emren ===