Yann-Frañsez ar Gonideg : diforc'h etre ar stummoù

Bras e voe levezon ar Gonideg evit [[azginivelezh]] ar brezhoneg, daoust ma ne oa ket ur skrivagner dispar ha daoust ma c’heller tamall dezhañ bezañ bet un tammig re c’hlanyezhour. E zibaboù evit un doare-skrivañ resis a voe degemeret diouzhtu gant [[Kervarker]] (1815-1895), aozer [[Barzhaz Breizh]] ha brudet-bras en [[XIXvet kantved|XIX{{vetXIXvet}} kantved]]. Heuliet e voe dibaboù ar Gonideg gant muioc’h-mui a dud war-lerc’h, dreist-holl goude ma vije savet eskob [[Kemper]], an Aotrou [[Joseph-Marie Graveran]] (1793-1855), a-du ganto e [[1840]]. Diskibien niverus en devoe, dreist-holl Kervarker a gendalc’has gant e labour geriadurouriezh. En XXvet kantved e talc’has [[Frañsez Vallée]] ha [[Roparz Hemon]] d’an hent bet treset gantañ.