[[Restr:Kossuth Lajos Barabás.jpg|thumb|180px|left|[[Lajos Kossuth]]]]
Meur a emsavadeg a voe en XVIII{{vetXVIIIvet}} ha {{XIXvet kantved}} a-enep an Habsbourged : an holl a c’hwitas avat. [[Ferenc II Rákóczi]] a renas unan eus 1703 da 1711 ; trec’het e voe an emsavidi hogen gounit a reas an noblañsoù hungarat un nebeud gwirioù. An [[Dispac'h hungarat (1848)|emsavadeg anavezetañ]] a c’hoarvezas e [[1849]] ha renet e voe gant [[Lajos Kossuth]]. Lañs a oa gant ar mennozhioù broadelour en Hungaria, abaoe [[Mare ar Sklêrijenn]] ha goulennet e veze e teufe an hungareg da vezañ implijet evel yezh ar stad hag ar skolioù. Er bloavezhioù 1820 e voe bodet un dael gant an impalaer [[Franz Iañ Aostria|Franz I{{añ}}]] ha da-heul e teuas un nebeud kemmoù evit ar velestradurezh hag an tailhoù. Met faezhet e voe emsavadeg Kossuth, a vez kounaet hiziv c’hoazh bep bloaz en Hungaria, d’ar 15 a viz Meurzh. Ne voe flastret an emsavidi avat nemet peogwir e voe skoazellet an Aostrianed gant ar Rusianed.
E 1866 e voe [[Brezel alaman|faezhet Aostria gant Prusia]] ha neuze e rankas an impalaer, gwanoc’h, degemer un [[Emglev etre Aostria hag Hungaria|emglev e 1867]], da ober eus an impalaeriezh un unaniezh div vro bar, ''[[Aostria-Hungaria]]''.
