Mel : diforc'h etre ar stummoù

 

[[Skeudenn:Runny hunny.jpg|thumb|'''Mel''']]

Ar '''mel''' ([[liester]] : ''meloù'') a zo un [[danvezenn]] c'hwek ha frondus, liv [[melen (liv)|melen]] pe [[gell|c'hell]] dezhi, hag a vez fardet gant meur a seurt [[gwenan]] hag un nebeud [[spesad]]où [[gwesped]] evit kaout boued evito hag evit magañ o freñvedennoù bihan. P'eo graet gant nektar sunet diwar eztaoladurioù ar [[bleuñv]], ur vammenn a-bouez eo bet evit an [[Den]] pa ne ouie ket c'hoazh fardañ [[sukr]] diwar ar [[plant]] ([[korz-sukr]], [[beterabez]]). Gwelet eo bet evel ul louzoù evit pareañ meur a [[kleñved|gleñved]] gant ar vezeien eus an amzerioù koshañ. Pa vez implijet evel magadur an dud e teu ar mel eus ar pezh a vez fardet gant spesad ar gwenan ''[[Apis Mellifera|Api]]''[[Apis Mellifera|s ''Mellifera'']]. Gwechall-gozh hag e [[rannved]]où zo hiziv e vez dastumet mel ar gwenan gouez e-lec'h m'o deus graet o annez, e-kreiz kefoù gwez goullo da skouer, met ar [[gwenanerezh|wenanerien]] a oar bodañ [[taol-gwenan|taolioù-gwenan]] en arc'higoù a reer [[ruskenn]]où anezho. Ar [[gwenanerezh]] (pe ar sevel gwenan), e bal produiñ mel, a zo ur skourr eus ar [[gounezerezh]].