Skol Diwan Kemper

Ur skol vrezhonek, skol vamm ha kentañ derez asambles, eo Skol Diwan Kemper krevredet e Diwan Breizh, dezhi tri lec'h er gêr. Digoret e voe e Gwengolo 1977.

Krouidigezh

Savet e voe ur raktres evit sevel ur skol vrezhonek evit bezañ prest e distro-skol 1977 gant un nebeut kerent e 1975-76. Keit-all e oa bet savet ur raktres heñvel gant kerent Bro-Leon Izel ha an danvez vestrez-skol aet e darempred gant ar Gemperiz he-doa dibabet klask mont war-zu an Norzh. D'an 3 a viz Merzh 1977 e kejas tud Kemper ha re an Norzh evit sevel ar gevredigezh evit Breizh a-bezh ken e vefe kreñvoc'h al luskad nevez. Gweltaz ar Fur, levrdier e Kemper, a ginnigas ma voe anvet Diwan hag e gemeras karg ar prezidant. Pa voe prest an traou abretoc'h e tigoras ar skol Diwan gentañ e Lambaol-Gwitalmeze e Mae 1977. Sell ouzh Skol Diwan Gwitalmeze.
Ken diaes e voe kavout al lec'h e Kemper hag e tigoras ar skol e karter al Lenn Du !en Erge-Vihan) en ur bod war ar maez. Lañset e voe ar c'helenn gant 7 skoliad. Bloaz goude e tleas ar gevredigezh gernevad chañch al lec'h ha kas anezhañ da Bloveilh.

Ar skol e Ploveilh

Pa voe maer Ploveilh, Roparzh Omnes, ur brezhoneger hag ur stourmer evit ar brezhoneg e ginnigas ul lec'h en e gumun.

Ar skol e straed Paul Borossi (Penc'harzh)

'

Ar skol e Kervoger (Kerfeunteun)

D'an distro-skol Genver 1992 e tilojas ar skol da straed Kervoger en ur c'harter a zo tost da Groaz ar Gardian.

An eil lec'h e Kervoazan (Penc'harzh)

Goude bezañ bet adkempennet e voe kinniget da Skol Diwan Kemper ar skol bublik gozh, straed ar Vañde. Staliet e voe an eil skol, skolaj Diwan Kemper hag ar greizenn stummañ Kelenn.

An trede lec'h e Krec'h-Gwenn (An Erge-Vihan)

Digoret e voe ar skol-vamm e kreizenn-dudi Krec'h-Gwenn e distro-skol 2020 gant ur vestrez-skol ha 12 skoliad.

Levrlennadurezh

• Pierre-Marie Mallégol, ...et les Bretons créèrent... Diwan, Yoran embanner, 2018.(ISBN 9782367850139). Unan eus ar gerent gentañ.
• Fanny Chauffin, Diwan, pédagogie et créativité : les écoles immersives en langue bretonne, quarante ans d'actions (golo :Diwan 40 ans déjà ! ur skol e brezhoneg), Yoran Embanner, Fouenant, 2017, (ISBN 978-2-916579-96-2).
• Reun L'Hostis, Ar boled mean = Un boulet de pierre, Diwan, du germe à la moisson ?, Landerne, Édipaj, 2008. (ISBN 978-2-916579-96-2)
• Jean-Charles Perazzi, Diwan, vingt ans d'enthousiasme, de doute et d'espoir, Coop Breizh, 1998.(ISBN -84346-056-5)