Diwan : diforc'h etre ar stummoù

HervezañPa voe aet un nebeud tud eus ar c'hevarzhe [[Skol an Emsav]] da arsellout ouzh ar skolioù [[Ikastola]] e [[euskareg]] e Bro-Euskadi er bloaz 1975 e voe aozet un emvod foran e sal liessportoù [[Gwitalmeze]] e Mae 1976. An daou prezegenner a voe Yann Trellu (o chom e Euskadi) ha Reun an Ostiz. N'eus goulenn ebet a voe savet gant un tregontad a dud, ken divoas e oa ur seurt embregenn hervez deskrivadur [[Pêr-Vari Mallegol]] (Pierre-Yves Mallégol).<br>
Hervez Reun an Ostiz e krogas un nebeud tud, hag eñ brouder anezho, da adneveziñ skol gozh [[Lambaol-Gwitalmeze]] en 1976 pa oa bet rakwelet bezañ prest e C'hwevrer 1977. Kînniget e voe krouiñ ''Kreizenn evit ar vugale vihan''<ref>Kaoz a voe sevel ar vagouri da gentañ, une "garderie bretonne".</ref> da guzul ti-kêr Lambaol-Gwitalmeze d'an 21 a viz C'hwevrer 1977 hag e voe asantet feurmiñ al lec'h. Divizet e voe disklêriañ ar c'hevarzhe Diwan goude ur emvod gant kerent Kemper o sevel ur raktres ivez e penn Meurzh 1977. [[Gweltaz ar Fur]], hag eñ doe kinniget an anv, a voe lakaet da brezidant, [[Anna-Vari Chapalain]] da sekretourez ha Reun an Ostiz da deñzorer. D'an [[17 Ebrel|17 a viz Ebrel]] 1977 e oa bet disklêriet ar c'hevarzhe kreiz e prefeti [[Penn-ar-Bed]]. Divizet e voe ampellaat raktres Lambaol, keit ha ma vo kavet ur sal-skol e Kemper<ref>Reun L'Hostis, Ar bouled maen, 2008, p. p.82-83.</ref>.

D'an 23 a viz Mae [[1977]] e voe digoret ar '''skol Diwan''' gentañ, ur skol-vamm-se gant 5 bugel hag ur mestr-skol, [[Denez Abernot]]<ref>Un danvez-skolaerez diplomet en doa kinniget bezañ ar mestrez, pa ne voe ket evit kaout ur post war hir dermen. Anvet e voe da skol Lannilis daou deiz a-raok an digoradur. Kavet e voe ur mestr all d'an 22 a viz Mae gant [[Yvon Abiven]]. Reun L'Hostis, Ar bouled maen, 2008, p. p.82-83.</ref> enni. Staliet e voe ar skol e savadurioù foran ur skol a oa bet serret pemp bloaz kentoc'h, feurmet digant ar gumun adalek miz Kerzu [[1976]].