Diroll ar Menez : diforc'h etre ar stummoù

En e zornlevr[[deizlevr]] ar misionoù e kont an Tad Maner e kejas e [[Sant-Wenn]] gant un den yaouank pa oa o prezegenniñ ur [[mision]] e dibenn ar bloaz [[1649]]. Hemañ a lavare e voe heskinet gant un aozadur kevrinus en doa dilezet. Er vro-se e veze dalc'het bodadegoù noz e-kreiz al lanneier digenvez. Eno en em dolpe engroezioù a dud trouzus dindan sklerijenn luc'hel ar [[bod-tan|bodoù-tan]] o c'hoari c'hoarioù chañs hag o tañsal tro-dro d'un [[tron]] alaouret ma veze kludet un ["[euzhvil]] orollus" warnañ. Pep den a dlee dont evit touiñ e chomfe feal dezhañ hag e promete an [[eürusted]] buhez-pad. Ret e veze e azeuliñ, pokañ dezhañ en ur doare hudur, en em reiñ [[korf]] hag [[ene]] dezhañ. Evit kaout an droed da vont er fest e veze goulennet ma vefe dinac'het ar feiz kristen hag ar [[badeziant|vadeziant]]. Resevet en doa an den yaouank ur merk andiverkadus war e [[kilpenn|gilpenn]] ha tennet e voe ur banne [[gwad]] eus ur [[biz]] dezhañ evit skrivañ e anv e-barzh ul levr du. Dimezet e veze ar baotred gant plac'hed du gant treid divalav hag an [[dimezell]]ed gant [[denjentil|tudjentiled]] vil hag e veze gastaouet gant an holl. Meneget ez eus ul lec'h bodadegoù boas e-kreiz al lanneier, "''ar Seizh Hent war harzoù [[eskopti Gwened]]''". Anv zo ivez eus [[Mur (kumun)|Mur]] ha [[Boulvriag]].<br><br>

Hervez danevell latin Juluan Maner, hemañ a lakaas war wel, e-pad ar c'hofezioù, ne veze ket darempredet ar [[sabat(sorserezh)|sabatoù]] gant un niver bihan a dud evel ma krede lod, met gant ur bobl a dud. Dont a rae pep stad ar gevredigezh, ken en em gave asambles gwazed, maouezed, plac'hed ha bugale gouestlet d'an [[Diaoul]], a-raok bezañ bet ganet, a-wezhoù, gant o c'herent. Tudjentiled a geje ouzh tud a renk izel, pa oa kaoz eus beleien ha leaned ivez. <br>

Anv ez eus eus un diaoul a laka pep den deuet da lec'h ar sabat da sentiñ ouzh e volontez. Dre vras e weler taolenn voutin ar [[sabat]]oùsabatoù, met e pouezas ar misioner war al lidoù dindan an amzer ha e c'hellfent bezañ bet lidoù sevenet a-gozh ha treuzdeskrivet <ref>En em c'houlenn a rae Gwenc'hlan ar Skouezeg ha ne c'hellfe ket bezañ bet lidoù ragistorel pe gelt.</ref>.

Oberiant e voe Juluan Maner e diwezh ar mare ma voe hetaet, barnet ha kondaonet d'ar marv miliadoù [[sorser]]ien ha [[sorserez]]ed, met ne zeskriv ket seurt tud e penn an diroll. Seurt trioùtroioù-chase ne voe ket gwelet e Breizh. Koulskoude, e Sant-Wenn, selaouet e doe "un den yaouank a lavare ma voe heskinet ha gourdrouzet da vezañ kaset d'ar marv gant ur gevredigezh gevrinus m'en doe dilizet…". Muioc'h c'hoazh ma vez anv un diaoul prezegenner e spurmanter un "diaoul hiniennel ha boazidi sinagogen an Diaoul" o tont evit heskinañ an traitour. Kalz a draou boutin e sabatoù ar sorserien pe sorserezed a gaver e deskrivadur sabatoù ar Menez (diaoul, [[banvez]]ioù, [[dañs]]où, pokañ d'an diaoul, gadaliezh…). Kalz eus an ebatoù a vez gwelet anezho e-doug festoù ar bobl erfin.<br>