[[Restr:Tower Bridge (aerial view).jpg|thumb|Tower Bridge, "pont an tour", gwelet eus an oabl.]]
'''Tower Bridge''', pe '''Pont an Tour''', zo ur [[pont]] e-kreiz [[Londrez]], e [[Bro-Saoz]], war an [[Tavoez]]. Emañ e-kichen [[Tour Londrez]] en deus roet e anv dezhañ.
Ur [[pont-gwint]] eo, etre karter [[Southwark]] (pe ''Borough''), er su, ha hini [[Tower Hamlets]], en norzh, tost d'ar [[City]].
Savet e oa bet e 1886-1894, ha pa oa bet digoret d'an [[30 a viz Mezheven]] [[1894]] e oa brasañ pont-gwint ar bed. Bez' eo unan eus ar pemp pont a zo e Londrez hag an hini anavezetañ, a-bell. Brudet eo dre ar bed a-bezh gant e daou dour hag al leur-bont etrezo a c'haller sevel da lezel listri bras da dremen ha deuet eo da vezañ un arouez eus Londrez. Emañ ar mekanikoù a ro an tu da wintañ al leur-bont kreiz e traoñ pep tour. Gweladennet e c'hallont bezañ gant an dud a gar, abaoe 1982 : un doare mirdi zo ma tispleger penaos ez a ar wikefre en-dro abaoe dibenn an {{XIXvet kantved}}. E 1977 e oa bet livet ar pont e ruz, gwenn ha glas, da-geñver deiz-ha-bloaz ar rouanez [[Elesbed II]].
