Florian Ceynowa : diforc'h etre ar stummoù

'''Florian Ceynowa''' (''Florión Cenôwa'' e [[kachoubeg]]) (4 Mae 1817 – 26 Meurzh 1881) a oa ur mezeg, skrivagner ha yezhour eus [[Polonia]]. Stourmet en deus evit ar c'hachoubeg hag e sevenadur. Asambles gant [[Alexander Hilferding]] e studias yezh ha mojennoù ar Gachoubed ha broudañ a reas tud all da ober kemend-all. En ur ober an dra-se e save a-enep an alamanekaat hag ar polonekaat war un dro. Kavout a rae dezhañ e oa ar Gachoubed ur bobl diouti he-unan, met sevel a rae a-du gant an hollslavegezh ivez. Labourat a reas evit unvaniñ ar yezh kachoubek, he doare-skrivañ hag he yezhadur. Embann a reas levrioù yezhadur ha testennoù kachoubek gant troidigezhioù e [[yezhoù slavek]] all. Treiñ a reas testennoù rusianek e kachoubeg ivez hag un den a bouez eo evit al lennegezh kachoubek.