Anvadur dre zaou anv : diforc'h etre ar stummoù

A-wezhioù e tenn an anvioù-se d'an anvioù a-vremañ gant daou anv met disheñvel-kenañ ez int e gwirionez abalamour ma'z int deskrivadurioù. E levr plant Gerard, da skouer, e teskriver seurtoù ''[[Tradescantia]]'' : "an hini kentañ zo anvet ''phalangium ramosum'', (''Tradescantia'' gant barroù) ; an eil, ''phalangium non ramosum'', (''Tradescantia'' hep barroù). egile ... zo lakaet gant reizhded ''phalangium ephemerum virginianum'', (''Tradescantia'' berrbad Virginia).<ref>John Gerrard, Thomas Johnson, [http://velluminous.com/excerpts/GerardsHerbalSamples.epub ''Gerrard's Herbal : A sampling from the 1633 enlarged and amended edition''], Velluminous Press, 2008</ref> Ar frazennoù latin zo deskrivadurioù berr kentoc'h evit merkoù anavezadur. Ar pezh a zo, a-vuzul ma tizoloed spesadoù nevez ez ae an anvioù deskrivus-se war hiraat da lakaat kemm etre ar spesad nevez hag ar re anavezet a-raok. An [[tomatez]], da skouer o doa an anv hir a ''Solanum caule inermi herbaceo, foliis pinnatis incisis'', a dalvez "ar solanum geotennek dezhi ur c'harenn levn ha delioù stuc'hek skejet".<ref>Knapp Sandra</ref>.

Skiantourien an tiegezh [[Bauhin]], [[Gaspard Bauhin]] peurgetket (1560–1624), a reas kammedoù trema an anvadur dre zaou anv dre verrat an anvioù-deskrivadurioù e latin, peurliesañ da zaou anv.<ref>Johnson A.T., 1972, ''Plant Names Simplified : Their Pronunciation Derivation & Meaning'', Landsmans Bookshop, ISBN 978-0-900513-04-6, p. v</ref>.

Anvioù Linné a gase ur soñj nevez a-bouez, talvoudegezh an anv a oa reiñ d'ur spesad ur merk dibar ha netra ken. Abalamour da se ne dalveze ket ar boan e vije un deskrivadenn anezhañ. Da skouer, an div lodenn a c'halle dont eus anvioù tud. An aneval badezet ''phalangium ephemerum virginianum'' gant Gerard a zeuas da vezañ ''[[Tradescantia virginiana]]'' : anv ar genad a enore [[John Tradescant]], ul louzawour hag ul liorzhour saoz.<ref>Hyam & Pankhurst,1995, p 502</ref>. Anvet e oa ivez ul labous eus kerentiad ar perokeded ''[[Psittacus alexandri]]'', a dalveze "peroked Aleksandr", diwar anv [[Aleksandr Veur]] dre ma oa bet kaset perokidi eus ar reter gant e arme da [[Gres|Vro-C'hres]].<ref>James A. Jobling, ''Helm Dictionary of Scientific Bird Names'', London, Christopher Helm, 2010</ref>. Kalz aesoc'h e oa derc'hel soñj eus anvioù Linné hag o implij hag e kemerjont lec'h an anvioù hir a oa en o raok.<ref>Knapp</ref>.