*E 1509, da 17 vloaz, e timezas da [[Charlez IV, dug Alençon]]. Ne gare ket anezhañ. Perzh a gemeras en [[emgann Pavia]] e 1525, ha mervel prestik goude gant ar vezh. Ne ouelas ket an intañvez.
*En 1527 ec'h addimezas da [[Herri II Navarra|Herri II Albret]], [[roue Navarra]]. E 1528 e c'hanas ur verc'h, [[Janed III Navarra|Janed Albret]], a vo diwezhañ [[rouanez Navarra]] ha mamm [[Herri IV]], [[roue Bro-C'hall]] .
==He marv==
Mervel a reas d'an 21 a viz Kerzu 1549 en [[Odos-en-Bigorre]].
==Oberennoù==
Brudet eo da vezañ, gant [[Christine de Pisan]] ha [[Marie de France (barzhez) |Marie de France]], unan eus ar c'hentañ skrivagnerezed [[gallek]], ha lesanvet e oa bet an ''dekvet muzenn'', hag ivez ''La [[Marguerite]] des Marguerite'' (''perlezenn'' eo ster latin an anv). Brudet eo he levr [[L'Heptaméron]], 72 danevell skrivet diwar skouer [[Il Decameron]] ar skrivagner italianek [[Boccaccio]].
