Conradh na Gaeilge : diforc'h etre ar stummoù

'''Conradh na Gaeilge''' (distaget [ˈkɔnˠɾˠə nə ˈgeːlʲɟə] en [[iwerzhoneg]], anavezet ivez, gwechall dindan he anv saoznek ''Gaelic League'') a zo ur gevredigezh a stourm "for the purpose of keeping the Irish language spoken in Ireland"/"Evit gwareziñ ha derc'hel bev an iwerzhoneg evel ur yezh komzet e [[Iwerzhon|Bro-Iwerzhon]]". Conradh na Gaeilge a zo bet krouet e Dulenn d'an [[31 Gouere|31 a viz Gouere]] [[1893]] gant ur protestant anvet [[Douglas Hyde]], o tont eus [[Frenchpark]], e rannvro [[Roscommon]]. Sikouret eo bet gant [[Eugene O'Growney]], [[Eoin MacNeill]], [[Luke K. Walsh]] ha stourmerien iwerzhonat all. Conradh na Gaeilge a voe diorroet gant labour an unvaniezh kozh anvet [[Gaelic Union]] ha dont a reas da vezañ ar gevredigezh pennañ o labourat da adsevel an [[iwerzhoneg]]. Kentañ kazetenn ar gevredigezh a voe an An Claidheamh Soluis ("Ar c'hleze skedus") hag he c'hazetenner brudetañ e voe [[Padraig Pearse]].▼

War an dachenn politikel, ar gevredigezh a zisachas kalz a vroadelourien iwerzhonat, evel ar [[Gaelic Athletic Association]]. Dre al League, kalz a benn-stourmerien o deus gellet kejañ kenetrezo. Ar c'hejadennoù-se o deus degaset krouidigezh kevredigezhioù all evel an [[Irish Volunteers]] (e [[1913]]). Met ar Gaelic League n'en em lakas ket er stourm politikel penn-da-benn. Tud evel [[Douglas Hyde]] a lare e oa ret leuskel ar sevenadur hag ar yezh er-maez eus ar politikerezh. Kalz a aozerien eus [[emsavadeg Pask]] a oa izili eus ar Gaelic League.▼

Goude krouidigezh ar stad iwerzhonat, levezon ha karg ar gevredigezh er vuhez pemdeziek a zae war wanaat. Al League a stourmas en un doare efedus evit lakaat e pleustr ofisieladerezh ar yezh er stad. Ha dont a rejont a-benn da grouiñ An Coimisinéir Teanga (Ensellerezh war ar yezh). Ha diwezhatoc'h Conradh na Gaeilge a stourmas evit ma vefe kemeret an iwerzhoneg evel unan eus yezhoù ofisiel [[Unaniezh Europa]].▼

Un nebeut amzer'zo, Conradh na Gaeilge a enebas kalz ouzh ar strollad politikel [[Fine Gael]] abalamour ma stourme pennoù ar strollad politikel-se evit ma vefe tennet an arnodenn iwerzhoneg eus al Leaving Certificate (kevatal d'ar "vachelouriezh" e Bro-C'hall). Conradh na Gaeilge a enebas en ur c'hervel da vouezhiañ en dilennadegoù evit an dileuridi hag o doa c'hoant leuskel an arnodenn war an iwerzhoneg.▼

Ar gevredigezh he deus kalz a skourroù hag a is-rannoù e [[Iwerzhon|Bro-Iwerzhon]] a-bezh ha labourat a ra kalz evit aozañ gouelioù hengounel pe sevenadurel evel ar gouel meur An tOireachtas pe Seachtain na Gaeilge. Un nebeut amzer'zo, Conradh na Gaeilge he deus digoret kreizennoù sevenadurel ha burevioù (anvet "Ionaid Saor Chomhairle Dlí" en iwerzhoneg) e [[Dulenn]] hag e [[Galway]] gant sikour an FLAC.▼